ZTE Blade Spark: 5,5 дюйм дисплейли ҳамёнбоп смартфон сотувга чиқди

Таниқли ZTE компанияси Blade Spark номли янги ҳамёнбоп смартфонини сотувга чиқарди. Смартфон қадоқ ичидаёқ Android 7.х Nougat операцион тизимига эга бўлган.

ZTE Blade Spark'даги сенсор дисплей ўлчами 5,5 дюйм бўлиб, сиғими HD (1280 × 720 пикселли). Дисплей ҳимояси учун Corning Gorilla Glass 3 пишиқ ҳимоя шишаси жавобгар.

Аппаратда Qualcomm Snapdragon 425 процессори ўрнатилган. Мазкур чип  1,4 ГГц частота тезлигида ишлайдиган 4 та ARM Cortex-A53 ядросига эга. Смартфондаги график-тасвирларни Adreno 308 видео-картаси қайта ишлайди. Шунингдек, гаджет алоқани яхшилайдиган X6 LTE мобил алоқа модемига ҳам эга бўлган.

ZTE Blade Spark смартфонида 2 Гбайт сиғимли тезкор хотира, 16 гигабайтли доимий хотира мавжуд. microSD бўлмачасига сиғими 128 Гбайт.гача бўлган хотира қўйиш мумкин.

ZTE Blade Spark'нинг қуввати учун электр токи сиғими 3140 мА·соат бўлган аккумулятор жавобгар.

ZTE Blade Spark'нинг орқа томонига юзланамиз: орқа корпусда 13 мегапикселли бош камера мавжуд. Бу камера автофокус тизими ҳамда светодиодли фоточақноққа эга бўлган. Камера модули остида бармоқ излари сканери мавжуд. ZTE Blade Spark 5 млн пикселли олд камера билан таъминланган.

Девайс симсиз алоқанинг Wi-Fi 802.11b/g/n ҳамда Bluetooth 4.2, GPS навигация тизимларини қўллаб-қувватлайди.

ZTE Blade Spark АҚШ 100 доллари нархида сотувга чиқарилган.