Зукерберг 12 йилдан сўнг Гарвард даражасини олади

Зукерберг 12 йилдан сўнг Гарвард даражасини олади

Марк Зукерберг бундан 12 йил аввал бугун қиймати $400 млрд АҚШ долларига тенг бўлган Facebook’ни ишга тушириш учун жаҳоннинг таниқли олий таълим даргоҳларидан бири бўлган Гарвард университетини ташлаб кетиши компания тарихининг энг кўп эсланадиган воқеаларидан бири.

Калифорниянинг Пало-Альто шаҳрига, Циликон водийсига кетиб қолган Марк яна ортга, Массачусетснинг Кембридж шаҳрида жойлашган Гарварддаги қадрдон мактабига яна қайтади. Бу гал Марк Зукерберг университет саҳнасига 2017 йил битирувчиларига муваффақият тилаш учун нутқ сўзлайди. Ва, унга шу ернинг ўзида университетнинг фахрий даражаси дипломи топширилади.

“Марк Зукерберг бутун дунёнинг ижтимоий бирдамлигига хизмат қилди. Бугунги кунда камдан-кам технологик инновациялар Facebook билан рақобатга кириша оладилар. Технологиядан инсонлар ҳаётини қулайлаштиришда ҳар ким ҳам Маркдек илғор фикрлай олмайди”, дейди Гарвард Президенти Дру Фауст.

Бунга ўхшаш воқеа, Стив Жобс, Билл Гейтс, Paypal тизими асосчиси Питер Тил каби йирик бизнесменлар ҳаётида ҳам кузатилган. Apple асосчиси Стив Жобс 1976 йилда шахсий бизнесини йўлга қўйиш учун Орегон штатида жойлашган коллежни ташлаб кетади. Билл Гейтс эса Microsoft’ни оёққа турғизиш учун Гарварддан кетишга мажбур бўлган.

“Маркка ёрдам беришдан доимо хурсандман. Университетдаги чиқишингга омад тилайман. Фахрий даража орзуларинг сари яна бир қадам олға бошласин”, деб ёзади Билл Гейтс Зукербергнинг Facebook саҳифасига.

Сайтимизнинг энг чиройли расмларини Инстаграмдаги саҳифамизда томоша қилинг!