Зукерберг бир неча соатда $3,6 миллиардга эга бўлди (Видео)
Facebook ижтимоий тармоғи асосчиси Марк Зукербергнинг Американинг NASDAQ биржасидаги маблағи бир неча соат ичида 3,6 миллиард долларга кўпайиб кетган.
Маълум бўлишича, 27 апрель куни NASDAQ биржасидаги савдолар якунланаётган бир пайтда Facebook’нинг бир дона акциясининг баҳоси 108,9 долларни ташкил этган ва 28 апрель куни бу нарх 117,84 долларга ошган.
Натижада Марк Цукерберг дунёнинг энг бой 5-кишисига айланди. Март ойида Forbes эълон қилган рейтингга кўра, Марк Зукерберг 44,6 млрд доллар билан 16-ўриндан 6-ўринга кўтарилган эди. Айни пайтда рейтингда 51,1 миллиард доллар маблағи билан Марк дастурий таъминот ишлаб чиқарувчи йирик Oracle компаниясининг асосчиси Ларри Эллисондан илгарилаб кетди.
2016 йилнинг илк чорагида Facebook 5,38 миллиард доллар маблағ ишлаб топган. 2015 йилнинг шу даврида бу кўрсаткич 3,5 миллиардни ташкил этган эди. Экспертларнинг маълум қилишича, акция баҳосининг бу қадар кўтарилиб кетиши компания даромадларининг бир неча марта тушиши билан боғлиқ бўлиши мумкин.
Компания даромадининг асосий қисми (5,2 миллиард доллар)ни тармоққа жойлаштирилган рекламалардан олади.
