2019 yilgi eng zo‘r Android-o‘yinlar: Google reytingi chiqdi
Google kompaniyasi Android-qurilmalar uchun yakuniga yetayotgan yildagi eng yaxshi ilovalar ro‘yxatini e’lon qilgandi. Shu bilan birga, u Google Play Market’dagi eng zo‘r o‘yinlarni ham e’tirof etgan.
O‘QING: iPhone, iPad va boshqa Apple devayslari uchun 2019 yilning eng zo‘r ilova hamda o‘yinlari
Quyida eng yaxshilari sifatida keltirilgan har bir o‘yinning nomiga havola o‘rnatilgan – uning ustiga bossangiz, yuklab olish sahifasiga o‘tasiz.
Shunday qilib, Google’ga ko‘ra, bu yilgi barcha yangi o‘yinlar orasida eng zo‘ri Call of Duty: Mobile ekan. Bir vaqtning o‘zida bir nechta foydalanuvchi o‘ynashi mumkin bo‘lgan ushbu shuterning mobil versiyasi haqida ko‘p yozganmiz.
Qidiruv gigantidan tashqari, foydalanuvchilarning o‘zlari eng yaxshisi, deya e’tirof etgan o‘yin esa Brawl Stars loyihasidir. Shuningdek, Google Play katalogidagi boshqa ayrim o‘yinlar ham quyidagi nominatsiyalar bo‘yicha eng yaxshilari qatoriga kiritilgan:
Eng yaxshi indi-o‘yinlar:
- Ailment – piksel-art uslubidagi ekshen-platformer
- Koster: tark etilgan yerlar – konseptual shaharsozlik strategiyasi
- Chuchel – komediyaviy platformer
- G30 – Xotira labirinti – minimalistik boshqotirma
- Tiny Room Stories: Town Mystery – detektiv pazl
Darvoqe, ko‘pchilikka notanish bo‘lgan «indi-o‘yin» atamasi haqida mana bu maqolamizda O‘QING: 2017 yilning eng ommabop va eng qiziqarli bepul Android-o‘yinlari
Eng yaxshi kazual o‘yinlar:
- Angry Birds Dream Blast – mashhur o‘yinlar turkumining personajlari ishtirokidagi arkada
- Baliq ovi va turmush – meditatsiya simulyatori
- Golf cho‘qqilari – taniqli sport turi va boshqotirma aralashmasi
- Mario Kart Tour – Nintendo kompaniyasining klassik arkada poygasi
- Vinyard Valley – «bir qatorda uchtadan» janridagi arkada
Eng zo‘r innovatsion o‘yinlar:
- Archero – kamonchining yovuz kuchlarga qarshi kurashi haqidagi ekshen
- Assassin’s Creed Rebellion – Assassin’s Creed olamidan soddalashtirilgan RPG-o‘yin
- Auto Chess – xaritali TBT-strategiya
- The Elder Scrolls: Blades – afsonaviy rolli o‘yinlar turkumining mobil versiyasi
- OVIVO: Oq-qora o‘yin – metaforali platformer
Xo‘sh, bu o‘yinlardan qaysilarini o‘ynagansiz? Hali sinab ko‘rmagan bo‘lsangiz – hozir buning ayni mavridi!
O‘QING: Android-smartfonlar uchun internetsiz ishlovchi o‘nta bepul yangi o‘yin