2024 yilga kelib sizning uyingizda ham robotlar paydo bo‘lishi mumkin!

Juniper Research analitik kompaniyasining yangi izlanishlariga ko‘ra 2024 yilda 74 milliondan ziyod robotlar ishlab chiqariladi. Ma’lumot uchun: joriy yilda 28 millionga yaqin robotlar ishlab chiqarish rejalashtirilgan.

Shu bilan birga, uy ishlariga yordam beruvchi robot-changyutgich va  robot-maysa o‘ruvchi singari qurilmalar 2019 yilda 19 mln dona, 2024 yilda esa 20 mln ishlab chiqariladi. Bir so‘z bilan aytganda, asosiy o‘sish robotlarning boshqa segmentiga tegishli bo‘ladi.

Tahlilchilarning fikricha, ishlab chiqaruvchilar robotlarning ta’limiy jihatlariga, aniqrog‘i, ularning dasturiy ta’minoti va yangi funksiyalarini yangilash orqali foydalanuvchilarning ko‘proq e’tiborini qaratishga harakat qilishmoqda. Aynan shu faktorlar yaqin besh yil ichida foydalanuvchilar uchun mo‘ljallangan robotlarga bo‘lgan talab oshishida asosiy omil bo‘lib xizmat qiladi.