2330 dollarlik smartfonning ilk partiyasi xalqi qashshoq yurtda bir kundayoq sotilib ketdi!
Hindiston aholisining asosiy qismi qashshoq bo‘lgani uchun, u yerdagi smartfon bozorida asosan hamyonbop va o‘rta narxli modellar ommalashgan. Biroq bu mamlakatda premium gadjetning tezda sotilib ketishini hatto ishlab chiqaruvchining o‘zi ham kutmagandi!
Samsung kompaniyasi yaqinda qayta sotuvga chiqarilgan Galaxy Fold buklamafoni uchun bir nechta mamlakatda oldindan buyurtma ola boshladi. Buni qarangki, Hindistonda buyurtma hali kecha ochilgan bo‘lsa-da, bugungacha – bir kecha-kunduzda gadjetning birinchi partiyasi sotilib bo‘ldi!
Rasmiy xabarga ko‘ra, Galaxy Fold modeli uchun Hindistonda 2330 AQSh dollariga teng narx belgilangan. Uning birinchi partiyasida 1600 ta, ya’ni – Janubiy Koreyadagi birinchi partiya hajmidan ko‘proq smartfon savdoga qo‘yilgan edi. Buyurtmalar hindistonlik xaridorlarga 20 oktyabrda yetkazib beriladi, betakror flagmanning ikkinchi partiyasi «fillar o‘lkasi»da qachon sotuvga qo‘yilishi hozircha noma’lum.
O‘QING: Eksklyuziv: Samsung endi arzonroq Galaxy Note chiqaradimi?