28 iyunda namoyish etiladigan Galaxy Watch 4 ilk rasmiy suratlarda

  •   DiMaX
  •  200
  •  26.06.2021 15:30

28 iyunda namoyish etiladigan Galaxy Watch 4 ilk rasmiy suratlarda

Samsung kompaniyasi 2018 yilgi original Galaxy Watch smart-soatidan so‘ng, uning navbatdagi – 2020 yilda chiqqan modelini Galaxy Watch 3 deb atagan. Nomlar ketma-ketligiga amal qilinmaganligining sababi – agar uni Galaxy Watch 2 deb nomlasa, Galaxy Watch Active 2 bilan chalkashtirishlari mumkin edi.

O‘QING: Haqiqiy Samsung fanati bo‘lish sizga qanchaga tushadi?

Uning davomchisi – Samsung Galaxy Watch 4 modelining taqdimoti esa bu yilning 28 iyuniga belgilangan. Rasmiy namoyishiga oz qolganida, insayderlar ushbu qurilmaning rasmiy render suratlarini e’lon qilishdi.

Rasmlardan ko‘rishimiz mumkinki, Galaxy Watch 4 metall korpusga hamda to‘g‘ri to‘rtburchak shaklidagi ikkita tugmachaga ega.

Aqlli soatning orqa tomonida esa yurak urishi chastotasini o‘lchovchi datchikka ko‘zimiz tushadi.

O‘QING: 20 yoshli ayolning qotilini «aqlli» soat va smartfon topib berdi

Avvalroq tarqalgan xabarlarga ko‘ra, Samsung Galaxy Watch 4 xaridorlarga ikki xil – diametri 40 va 44 millimetrlik korpuslarda taklif etiladi.

Samsung bu mahsulotini giroskop, akselerometr, kompas, Wi-Fi b/g/n hamda Bluetooth 5.0+LE adapterlari hamda SpO2 datchigi bilan ta’minlaydi. Ayrim mish-mishlarga ko‘ra, mazkur smart-soatda yangicha funksiya – tanadagi yog‘ foizini aniqlash imkoni ham bo‘ladi.

O‘QING: 4G chipli, videoqo‘ng‘iroq funksiyali smart-soat 58 dollardan sotuvga chiqdi!

Sayt yangiliklaridan doimiy xabardor bo'lish uchun Telegram kanalimizga qo'shiling!