28-yadroli Xeon hamda Core i: Intel yangi protsessorlarini namoyish qildi
Intel kompaniyasi Computex ko‘rgazmasida o‘zining Xeon 28-yadroli protsessorlar lineykasini namoyish qildi. Ushbu chiplar birinchi navbatda kontent yaratuvchilar uchun mo‘ljallangan. Ularni masalan, grafika va animatsiyalarni qayta ishlash uchun hisoblash mashinalariga o‘rnatsa bo‘ladi.
Xeon W-3175X protsessori Skylake / Cascade Lake arxiteturasiga asoslanadi. Turbo-rejimda u 4,3 GGs chastotasigacha tezlikni oshiradi. Chipda blokdan yechilgan mnojitel mavjud, shu bois uning tezligini yanada kuchaytirish mumkin. Namoyishda Intel uni 5 GGs’gacha tezlashtirdi. Ushbu rejimda u Cinebench benchmarkada 7334 ball to‘pladi. Bu o‘zining raqibi bo‘lgan 32 yadroli AMD Threadripper’dan 2300 ballga ko‘pdir.
O‘QING:AMD Intel’ni ortda qoldiradimi? Shunday bo‘lishi mumkinmi?
Chip yangi LGA3647 formatida bajarilgan, Asus va Gigabyte kompaniyalari allaqachon hamkorlikda asosiy platani ishlab chiqarishni ma’lum qilishgan. Issiqning tarqalish darajasini ko‘rsatib turuvchi TDP’ning maksimal koeffitsiyenti 265 Vt’ga teng. Bunday protsessor jiddiy sovutish tizimini talab etadi.
Kompaniyaning ma’lum qilishicha, protsessor dekabr oyida sotuvga chiqariladi. Narxi hozircha noma’lumligicha qolmoqda, lekin ayrim ekspertlarning aytishicha, u shu vaqtgacha eng qimmat chip hisoblangan 18 yadroli Xeon’dan qimmat bo‘ladi, u 2000 dollardan sotilayotgan edi.
O‘QING:Intel'ni ortda qoldirmoqchi bo‘lgan brend
Shu bilan birga Intel Xeon darajasidagi ish samaradorligini talab etmaydigan uy kompyuterlari uchun Core i protsessorlarining to‘qqizinchi avlodini ham namoyish qildi. Unga Optane xotira texnologiyasi qo‘shimcha ravishda o‘rnatilgan, qolaversa yadrosi ham ko‘paytirildi, Core i9 flagmanida u bir yo‘la 18 taga ko‘paygan.
Shunga qaramay, kompaniya yangi texprotsessga o‘ta olmadi. Oldindan buyurtma berish allaqachon ochilgan, sotuvga chiqarish esa 19 oktyabrga mo‘ljallangan. Dastlabgi xabarlarga qaraganda, i5-9600K (3,7 GGs) — 262 dollar, i7-9900 — 488 dollar, i7-9800X — 589 dollar va i9-9980XE — 1979 dollar turadi.
