64 mln dollarlik telefonlarni O‘zbekiston qayerlardan import qildi?
Joriy yilning 1 noyabr holatiga ko‘ra, mamlakatga qiymati 64,6 mln. AQSh dollariga teng bo‘lgan 781,7 ming dona mobil telefonlar import qilingan. Bu to‘g‘rida Davlat statistika qo‘mitasi ma’lumot bermoqda.
O‘QING: IMEI-kodlar davlatni qanchaga boyitganini bilasizmi?
O‘zbekistonga 19 ta davlatdan mobil telefonlar olib kelingan; ular orasidan esa eng ko‘p quyidagi davlatlardan import qilingan:
- Xitoy – 556,6 ming dona;
- Vetnam – 143,4 ming dona;
- Hindiston – 36,7 ming dona;
- BAA – 23,9 ming dona;
- Rossiya – 11,3 ming dona.
Ma’lumot o‘rnida, mamlakatda 2019 yilda 235 ming dona, qiymati 31,7 mlrd. so‘mlik uyali va boshqa simsiz aloqa tarmog‘i uchun telefonlar ishlab chiqarilgan.
O‘QING: IMEI-kodni ro‘yxatdan o‘tkazish bo‘yicha aniq va lo‘nda qo‘llanma
