Abituriyentlarga DTM ruxsatnomasini onlayn olish imkoniyati berildi

Abituriyentlarga DTM ruxsatnomasini onlayn olish imkoniyati berildi

Davlat Test Markazi (DTM) saytida 2019/20 o‘quv yili uchun Oliy ta’lim muassasalariga (OTM) hujjat topshirgan talabalarga testga kirish ruxsatnomasini onlayn olish imkoniyati yo‘lga qo‘yildi.

Abituriyentlar https://ruxsatnoma.dtm.uz/ orqali ruxsatnomani yuklab olishi va printerda chop etishlari mumkin.

Ruxsatnomani mustaqil olish imkoniyatiga ega bo‘lmagan abituriyentlar quyidagi muassasalarga murojaat etishlari lozim:
✓ yashash joyidan qat’i nazar, ixtiyoriy tuman (shahar)dagi Davlat xizmatlari markazlari;
✓ yashash joyidan qat’i nazar, ixtiyoriy OTM qabul komissiyalari;
✓ yashash joyidan qat’i nazar, ixtiyoriy Bandlik va mehnat munosabatlari vazirligining tuman (shahar) bo‘limlari.

Ushbu tashkilot xodimlari abituriyentlarga ruxsatnomani bepul chop etib beradilar.

Qayd qilish joizki, DTM saytiga qilinayotgan murojaatlar soni haddan ziyod ko‘pligi bois, ruxsatnomani olishda qiyinchilik yuzaga kelishi mumkin.

O‘QING: Nega O‘zbekistonda elektron hukumat to‘liq ishga tushirilmayapti?

Saytimiz xabarlarini Odnoklassnikidagi sahifamizda kuzatib boring!