Android 11 onlayn taqdimotini kutyapsizmi? Xomtama bo‘lmay qo‘yavering!
Google kompaniyasi bu yil koronavirus tufayli Google I/O konferensiyasini bekor qilgani haqida yozgandik. Qidiruv giganti 3 iyun kuni faqat onlayn namoyish o‘tkazib, Android 11 operatsion tizim talqinining beta-versiyasini ommaviy taqdim etishini aytgan.
O‘QING: Android 11'da iOS'dagi kabi funksiya bo‘lishi tasdiqlandi
Endi esa rejalar tag‘in o‘zgardi – Google hatto Android 11 Beta Launch Show nomli onlayn marosimni ham o‘tkazmaydigan bo‘ldi! Bu haqda Android dasturchilar jamoasi bugun – 30 may sanasida Twitter orqali rasman xabar berdi:
We are excited to tell you more about Android 11, but now is not the time to celebrate. We are postponing the June 3rd event and beta release. We'll be back with more on Android 11, soon.
— Android Developers (@AndroidDev) May 30, 2020
«Biz sizlarga Android 11 haqida ko‘proq so‘zlab berishdan mamnun bo‘lardik, lekin hozir bayramlar vaqti emas. Biz 3 iyunga rejalangan tadbir va beta-versiya relizini keyinroqqa qoldiramiz. Yaqin orada biz Android 11 to‘g‘risidagi yangi tafsilotlar bilan qaytamiz», – deyiladi Google dasturchilarining rasmiy bayonotida.
Ta’kidlab o‘tish muhimki, nafaqat onlayn tadbir bekor qilindi, balki Android 11 operatsion tizimining birinchi ommaviy beta-versiyasining relizi ham keyinga qoldirildi. Ularning aynan qachongacha kechiktirilgani esa noma’lum – bundan boxabar bo‘lish uchun yangiliklarni biz bilan birga kuzatib boring.
O‘QING: Hali chiqmagan Android 11’ni eski va arzon Redmi smartfoniga allaqachon o‘rnatish mumkin!