Android OS shirinlik nomlari bilan tanishamiz
Google mobil qurilmalar uchun o'zining Android operatsion tizimini chiqarar ekan, ilk Android versiyasidan tashqari qolgan barcha asosiy versiyalarning ichki ishlab chiqilishida turli xil shirinliklardan kod nomlarini berib kelgan. Ikkinchi Android versiyasini hisobga olinmasa, bugungi kungacha chiqarilgan asosiy Android versiyalari uchun desertlardan kod nomlari qo'yish alifbo tartibida davom etgan va bu an'ana hali ham davom etadi. Quyida Android operatsion tizimining barcha "shirin" nomlari & kod nomlari bilan tanishishingiz mumkin:
Nomi | Kod nomi | Versiyasi | Chiqarilgan sanasi |
Android 1.0 | Yo'q | 1.0 | 2008 |
Android 1.1 | Petit Four | 1.1 | 2009 |
Android Cupcake | Cupcake | 1.5 | 2009 |
Android Donut | Donut | 1.6 | 2009 |
Android Eclair | Eclair | 2.0 | 2009 |
Android Froyo | Froyo | 2.2 | 2010 |
Android Gingerbread | Gingerbread | 2.3 | 2010 |
Android Honeycomb | Honeycomb | 3.0 | 2011 |
Android Ice Cream Sandwich | Ice Cream Sandwich | 4.0 | 2011 |
Android Jelly Bean | Jelly Bean | 4.1 | 2012 |
Android KitKat | Key Lime Pie | 4.4 | 2013 |
Android Lollipop | Lemon Meringue Pie | 5.0 | 2014 |
Android Marshmallow | Macadamia Nut Cookie | 6.0 | 2015 |
Android Nougat | New York Cheesecake | 7.0 | 2016 |
Android Oreo | Oatmeal Cookie | 8.0 | 2017 |
Android Pie | Pistachio Ice Cream | 9 | 2018 |
Android 10 | Quince Tart | 10 | 2019 |
Android 11 | Red Velvet Cake | 11 | 2020 |
Android 12 | Snow Cone | 12 | 2021 |
Android 13 | Tiramisu | 13 | 2022 |
Android 14 | Upside Down Cake | (tahminan) 14 | (tahminan) 2023 |
Ayrim manbalarga ko'ra, Android 1.0 versiyasi uchun shirinlik nomi berilmagan, lekin boshqalar bu versiyaning "Apple Pie" nomi bilan atalishini rad etishmaydi.
Android 1.1 kod nomi ham boshqacha, u alifbo tartibiga rioya qilmaydi. Aslida, Petit Four shirinligi nomi ham ikkinchi Android versiyasi uchun rasman ishlatilmagan, ammo uni ishlab chiqarilishi davomida shunday atashgan. Biroq, ayrim ma'lumotlarga ko'ra, 1.1 versiya uchun Banana Bread nomi berilganligi ham aytiladi.
Shuni ham ta'kidlash kerakki, ba'zi manbalar Android 1.0 va Android 1.1 versiyalari uchun "Astro Boy" va "Bender" nomlari berilgan deyishadi, chunki "android" so'zining o'zi odamsimon robot ma'nosini anglatadi. Shuningdek, bu versiyalar uchun "Alpha" va "Beta" nomlari berilgan deydiganlar ham yo'q emas, chunki bu nomlar ham alifbo tartibiga amal qiladi.
Barchasi Android 1.5 versiyasiga kelib boshlanadi. Google o'zining Android operatsion tizimi asosiy versiyalari uchun shirinliklardan alifbo tartibida kod nomlari berishni boshlaydi va bular nafaqat kod nomi, balki, Android versiyalarining rasmiy nomlari bo'lib ham xizmat qiladi.
Android 4.4 (rasmiy nomi Android KitKat) versiyasiga kelib, kod nomi va versiya nomi uchun alohida-alohida desert nomi berish boshlangan, lekin ikkala nomlar uchun alifbo tartibi saqlab qolingan. Masalan, Android KitKat uchun "Key Lime Pie" kod nomi, Android Marshmallow uchun "Macadamia Nut Cookie" kod nomi va hokazo.
Android 10'ga kelib, versiya rasmiy nomlari raqamlar bilan nomlana boshlaydi. Ma'lum bo'lishicha, bunga taom nomlari barcha mamlakatlarda bir xil ma'noni anglatmasligi, turli xalqlar va ularning tillari, madaniyatlari uchun universal tushinilmasligi sabab bo'lgan. Ammo, Google Android uchun ichki kod nomlarini shirinliklar bilan atashni to'xtatmagan va garchi Android o'ninchi versiyasi rasman Android 10 deya nomlangan bo'lsa-da, "Quince Tart" pishirig'i uning uchun kod nomi bo'lgan.
Hozirda Google uchun atigi beshta: V, W, X, Y, Z harflari qolgan va undan keyin kompaniya Android versiyalarini nomlash uchun qaysi yo'ldan yurishi noma'lum.
O‘QING: Google Android 14 kod nomini e'lon qildi!