Android uchun Telegram X yangilandi: avtomatik tungi rejim va yangi bosqichdagi xavfsizlik!
Original Telegram messenjeri singari, TDLib (Telegram Database Library) asosida yaratilgan tezkor Telegram X ilovasi ham rivojlanishda davom etmoqda. Bugundan Android platformasida ishlovchi gadjetlar egalari uning navbatdagi – 0.20.5.841 BETA talqinini yuklab olishlari mumkin.
O‘QING: Telegram X’ning oddiy Telegram’dan farqi nimalarda?
Telegram X’da ushbu yangilanish orqali Android-qurilmalar foydalanuvchilariga quyidagi o‘zgarishlar taqdim etilgan:
- «Sozlamalar» («Nastroyki») menyusida yangi – «Interfeys» bandi paydo bo‘lgan.
- Bildirishnomalarni boshqarish sozlamalariga LED funksiyasi qo‘shilgan. Ya’ni, endi Telegram X’dagi maxfiy chat, guruh yoki kanal orqali xabar kelgani haqida smartfonga bildirishnoma uzatiladiganida, uning LED (yorug‘lik-diodli) indikatorining qaysi rangda yonishini o‘zingiz belgilay olasiz.
- Chatga «suzib yuruvchi» sana qo‘shilgan.
- Umumiy qidiruv va chatlar orasida qidiruv funksiyalari yaxshilangan. Ammo hozircha foydalanuvchi bilan chatda muayyan xabarni izlash imkoni yo‘q.
- Tungi rejimga avtomatik o‘tsa bo‘ladigan yangi interfeys qo‘shilgan.
- Qo‘ng‘iroqlar uchun maxfiylik sozlamalariga bir xil maqomli (peer-to-peer, P2P) ulanish funksiyasi qo‘shilgan.
- Endi maxfiy chatlarda inkognito-klaviaturadan foydalanish mumkin.
- Maxfiylik sozlamalarida ulanish seanslarini tekshirish imkoni qo‘shilgan. Masalan, siz Telegram’da qaysi sayt bilan bog‘langaningizni tekshirib ko‘rishingiz mumkin.
- Endi bevosita «Sozlamalar» («Nastroyki») menyusidagi «Stikerlar» bandining o‘zidanoq muayyan stikerlarni ulasha olasiz.
- Boshqa yaxshilash va to‘g‘rilashlar joriy etilgan.
O‘QING: Telegram va WhatsApp’dagi o‘chirilgan xabarlarni ham o‘qish yo‘li topildi!
Android-smartfoningizga tezkor Telegram X kliyentini o‘rnatib olish (yoki allaqachon foydalanayotgan bo‘lsangiz – yangilash) uchun mana bu havola orqali Google Play katalogiga o‘ting.