Android uchun Telegram X yangilandi, imkoniyatlar bilan tanishing!
Eng ommabop messenjerlardan bo‘lmish Telegram’ning TDLib (Telegram Database Library) asosida yaratilgan tezkor Telegram X ilovasi ham yangilanishda davom etmoqda. Ushbu kliyent 0.20.6.899 BETA talqiniga qadar yangilandi.
O‘QING: Xushxabar: Android uchun ruscha Telegram X’ni yuklab oling!
Telegram X’ning yangi beta-talqinida «yashil robotchali» smartfon egalari uchun quyidagi imkoniyatlar taqdim etilgan:
- Bu ilova endi multi-akkauntlarni qo‘llab-quvvatlaydi – unga cheksiz bir nechta akkaunt qo‘shib ishlatishingiz mumkin.
- Messenjer real vaqt rejimidagi joylashuvni aniqlay oladi, ayni paytda turgan joyingiz haqidagi ma’lumotni suhbatdoshingizga yubora olasiz.
- Interfeysning bir nechta yangi mavzulari taqdim etilgan.
- Turli akkauntlar uchun turli mavzularni qo‘llab-quvvatlaydi.
- Yozishmalar va kanallar uchun Plain / Bubble rejimlari orasida o‘tish imkoni bor.
- Mustahkamlab (yozishmalar ro‘yxatining boshiga biriktirib) qo‘yilgan chatlarni saralash, o‘rnini almashtirish mumkin.
- Agar biror xabarda media-fayl kelsa, u haqdagi bildirishnomaning o‘zidayoq uni ko‘rsatadi.
- Saqlangan xabarlardan boshlang‘ich chatga o‘tish mumkin.
O‘QING: Telegram X’ning oddiy Telegram’dan farqi nimalarda?
- Ayni paytda faol bo‘lmay turgan akkaunt ustiga bosib turilsa, uning chatlari ro‘yxatini ko‘rsatadi.
- Animatsiyalar yaxshilangan.
- Emodziga ko‘ra stikerlarni taklif etadi.
- Endi o‘qilmagan xabarlar ilova hisoblagichining belgisida aks etadi.
- Ma’murlar guruhdagi biriktirilgan xabarni barcha uchun olib tashlamasdan, faqat o‘zlari uchun yopib qo‘ya oladilar.
- Sarlavhalar bo‘yicha global qidirish imkoni bor.
- Telegram qo‘ng‘irog‘ining quvvat indikatori qo‘shilgan.
- Boshqa ko‘plab yaxshilash va tuzatishlar amalga oshirilgan.
Ushbu beta-talqindagi messenjerni yuklab olish uchun mana bu havola orqali o‘tishingiz mumkin.
O‘QING: UzCard barcha plastik karta egalarini Telegram’dagi firibgarlikdan ogohlantirmoqda