ANTIQA TEST VIDEOSI: Redmi Note 7 ekranini oshtaxta qilib ishlatishdi!
Xiaomi kompaniyasi kuni kecha taqdim etgan Redmi Note 7 smartfonining asosiy o‘ziga xosliklaridan biri – korpusi va ekranining mustahkamligidir. Videolarda uni yigitlar polga tashlab tepkilab, qiz nozik poshnasida ezg‘ilab, do‘mboq yigit ustiga sakrab o‘tirib va yana ekrani bilan yong‘oq chaqib ham ko‘rsatishgan.
Internetga chiqarilgan yangi mustahkamlik testi videosi esa yanada g‘alati: unda Redmi Note 7 ekranidan oshtaxta sifatida foydalanib, ya’ni uning ustida o‘tkir pichoq yordamida turli mahsulotlarni chopib ko‘rsatishgan! To‘g‘ri, ushbu tasvir GIF formatiga o‘girilgan va sifati ham uncha yaxshi emas. Lekin baribir ko‘rishga arziydi:
Guvohi bo‘layotganingizdek, ustida narsa chopilganidan keyin ham Redmi Note 7 displeyi ishlashda davom etavergan. Darvoqe, uning yana bitta muhim jihati ma’lum bo‘ldi: bu – Xiaomi tomonidan 18 oylik kafolat berilayotgan ilk smartfondir.
Mazkur qurilma savdosi 15 yanvardan boshlanadi, Xiaomi kompaniyasining ayrim smartfonlarini esa allaqachon Terashop.uz internet-do‘konimizdan olish mumkin.