AnTuTu ideal Android-smartfon xususiyatlarini ma’lum qildi
Smartfonlarning yirik ekranli, xotirasi katta, dasturiy ta’minoti ilg‘or bo‘lishi borasida ishlab chiqaruvchilar go‘yo o‘zaro poyga o‘ynayotgandek. Biroq foydalanuvchilarning aksariyati uchun bu xususiyatlarning eng yuqori bo‘lishi unchalik ham shart emas ekan. Har holda, AnTuTu taqdim etgan ma’lumotda shunday deyiladi.
O‘QING: Narxi tannarxiga teng yaxshi smartfonlar (sentyabr holati bo‘yicha AnTuTu talqini)
Ommabop AnTuTu benchmarki jamoasi tadqiqot o‘tkazib, foydalanuvchilar «yashil robotchali» smartfonlarning ko‘proq qaysi xususiyatlariga e’tibor qaratishlarini va bu jihatlarning qanday ko‘rsatkichlarga ega bo‘lishi lozimligini aniqladi.
Xullas, natijalarni umumlashtirganda, eng ideal smartfon quyidagi jihatlarga ega bo‘lishi kerak ekan:
Ekranining diagonali: 5,5 dyuym
Displeyning tasvir aniqligi: 1920x1080 piksel
Protsessorining ishlab chiqaruvchisi: Qualcomm
Protsessorining yadrolari soni: 8 yadroli
Tezkor xotirasi: 4 GB
Ichki xotirasi: 64 GB
Operatsion tizimi: Android 6.0.1 Marshmallow
Benchmarkning ta’kidlashicha, butun 2017 yil davomida smartfonlardagi ayni shu xususiyatlar foydalanuvchilarni eng ko‘p qiziqtirgan.