Apple o‘z smartfonlariga yangi proshivka tarqatmoqda
Dasturiy ta’minotdagi ayrim muammolarni bartaraf etuvchi yangi proshivka iPhone'lar uchun tayyor. Foydalanuvchilar yangi iOS 16.0.3 tizimini yuklab olishlari mumkin.
Yangilanish hajmi taxminan 1GB bo‘lib, u iPhone 14 modellarining foydalanuvchilari duch kelishi mumkin bo‘lgan bir nechta xatolarni to‘girlaydi, shuningdek, Mail ilovasidagi xatolik ham tuzatiladi.
• iPhone 14 Pro hamda 14 Pro Max modellarida kiruvchi qo‘ng‘iroq hamda bildirishnomalar kech yoki umuman kelmayapti.
• Ba’zi iPhone 14 modellarda Apple CarPlay orqali qo‘ng‘iroq qilinganda mikrofon orqali ovoz juda past bormoqda.
• iPhone 14 Pro va 14 Pro Max modellarida kamera ilovasi sekin ochilmoqda, shuningdek, bir kamera rejimidan ikkinchi kamera rejimiga o‘tishda ham smartfon sekin ishlamoqda.
• Mail ilovasining ishlashida ham muammolar kuzatilmoqda.
Yuqoridagi xatoliklar iOS 16.0.3 tizimi o‘rnatilishi bilan yo‘q bo‘ladi.
O‘QING: Dunyo miqyosida kompyuterga bo‘lgan talab tushib ketmoqda
