Arzon versiyadagi Apple Watch ham tayyor: uning standart modeldan farqi qanaqa?

Apple korporatsiyasi 15 sentyabr kuni, Apple Park kampusida kuzgi taqdimot marosimini o‘tkazishini e’lon qilgan edi. Kompaniya muxlislari unda iPhone 12 smartfonlarini kutishayotgan edi, ammo...

O‘QING: 15 sentyabrda iPhone 12’larni kutib xomtama bo‘lmang!

15 sentyabrda namoyish qilinadigan devayslardan biri korporatsiya smartvochlari – Apple Watch modellarining arzonlashtirilgan versiyasi bo‘lishi mumkin. Buni tasdiqlagan mashhur insayder Jon Prosser (Jon Prosser) yangi gadjetning ayrim xususiyatlarini ham e’lon qildi.

Unga ko‘ra, arzonlashtirilgan aqlli soat o‘z dizayniga ko‘ra kompaniyaning Apple Watch Series 4 modeliga o‘xshab ketadi. Apple uni o‘lchamiga ko‘ra ikki xil – 40 millimetrlik va 44 millimetrlik versiyalarda taqdim etadi.

Apple Watch “SE?” (more affordable Apple Watch.)

Codename: N140S
GPS 40mm
Codename: N140B
Cellular 40mm

Codename: N142S
GPS 42mm
Codename: N142B
Cellular 42mm

- Series 4 design
- No always-on display
- No ECG
- M9 chip

Coming at the September 15th “Time Flies” Event.

— Jon Prosser (@jon_prosser) September 11, 2020

Ushbu smart-soatning standart modellardan farqi – unda EKG datchigi hamda Always on Display funksiyasi bo‘lmaydi. Arzon smartvochning harakat protsessori Apple M9 bilan ham ta’minlanishi aytilmoqda.

Yangi qurilmaning nomi ham, narxi ham hozircha aniq emas, faqat 15 sentyabrdagi onlayn taqdimotda namoyish etilishi aytilgan, xolos.

O‘QING: Qaynonasini o‘ldirgan kelinni Apple Watch fosh etdi