Barcha Android-qurilmalar uchun Telegram X ilovasida yirik yangilanish!
Telegram dasturchilari messenjerning eksperimental talqini – Telegram X kliyenti uchun uzoq kutilgan yangilanishni chiqarishdi. 0.21.7.1151 raqamli ushbu apdeytni Android-qurilmalar egalari o‘rnatib olishlari mumkin.
O‘QING: YouTube’ning pulli funksiyasidan Telegram orqali bepul va reklamasiz foydalansa bo‘lar ekan!
Shunday qilib, Telegram X ilovasining 0.21.7.1151 versiyasida quyidagi yangi imkoniyatlar taqdim etilgan:
- Bildirishnomalar 2.0 – ular noldan boshlab qaytadan yaratilgan bo‘lib, ishonchlilik yaxshilangan va faol foydalanuvchilar uchun takomillashtirilgan sozlamalarni o‘z ichiga oladi.
- Multiakkaunt 2.0 – tizim resurslarini kam sarflagan holda cheksiz miqdorda akkauntlar qo‘shish mumkin.
- Chatlarni ularning turiga qarab (maxfiy yozishmalar, guruhlar, kanallar, o‘qilmaganlar) saralash imkoni bor.
- Maxfiy chatlarda istalgan xabarni barcha uchun o‘chirish mumkin (vaqti ham cheklanmagan – avval 48 soatgacha edi). Foydalanuvchilar nafaqat o‘zlarining, balki suhbatdoshlarining ham yozganlarini o‘chira oladilar.
- Messenjerning o‘zida so‘rovlar joylash yo‘lga qo‘yilgan.
- Oddiy guruhlarda va «Tanlanganlar» («Izbrannie»)da biror xabarni tepaga biriktirib qo‘yish mumkin.
- Messenjerning rasmiy tarjima platformasi – translations.telegram.org orqali yaratilgan lokalizatsiyalarni qo‘llash va ularga havola orqali o‘tish mumkin.
- «Tarmoq va ma’lumot almashish» («Set i dannie») bo‘limida sozlamalarning tashqi ko‘rinishi ozroq o‘zgartirilgan.
- Blokni chetlab o‘tish vositalari yaxshilangan.
- Ikki bosqichli avtorizatsiya uchun pochtani yangicha tasdiqlash yo‘lga qo‘yilgan.
- Maxfiy kanal yoki chatdagi biror postga eltuvchi havolani nusxalab olish mumkin.
- Guruh a’zolaridan nechtasi ayni damda onlayn ekanligi to‘g‘ri ifodalanadigan bo‘lgan.
- Messenjerning libtgvoip (2.4.4) hamda TDLib (1.4.0) kutubxonalari yangilangan.
Aytish kerakki, Telegram X foydalanuvchilarining 50 foizi uchungina ushbu apdeyt tarqatilmoqda. Agarda sizda bu ilova yangilanmayotgan bo‘lsa, mana bu havola orqali beta-test dasturiga qo‘shilib, yangi talqinini olishingiz mumkin.
O‘QING: Telegram’dagi xatolik sababli o‘chirib yuborilgan xabarni tiklash yo‘li topildi!
