Barcha flagmanlarni yengib, AnTuTu’da rekord qo‘ygan Nubia Red Magic 3 ilk «jonli» suratlarda!
Benchmarklarda barcha flagmanlarni yenggan Nubia Red Magic 3 geymerofoni «jonli» suratlarda!
Xitoylik smartfonsozlar bir-biridan o‘tkazib yuksak samaradorlikka ega flagmanlar tayyorlashmoqda va ularning taqdimoti hali oldinda. Yaqindagina Meizu 16s modeli AnTuTu testida iPhone XS Max, Galaxy S10+, Mi 9 va boshqalarni «yer tishlatgan» bo‘lsa, yana bir xitoylik undan ham oshiq natija ko‘rsatgan.
O‘QING: AnTuTu’da yangi rekord: ZTE Axon 10 Pro 5G bunga qanday erishdi?
Shuningdek, ZTE korporatsiyasiga qarashli Nubia kompaniyasi o‘yinbop smartfonlarining navbatdagi avlodi – Red Magic 3 modelini tayyorlayotgani haqida ham yozganmiz. AnTuTu sinovida u boshqa flagmanlardan ham yuqori ball olgan va bunisi endi chinakam rekord!
Nubia Red Magic 3 dizayni haqida tizerlar orqali tasavvurga ega edik, endi esa uning «jonli» suratlari ham chiqdi:
Xabarlarga ko‘ra, ushbu rasmlar Xitoyda o‘tkazilgan kibersport tadbirida olingan. Afsuski, ommaga Nubia Red Magic 3 faqat orqa tomonidan ko‘rsatilgan.
Qora-qizil rangli dizayn ushbu modelning o‘yinbop jangovarlik ruhini yaqqol aks ettirgan.
O‘QING: O‘yin smartfonlarining kelajagi porloqmi?
Uchinchi avlod «qirmizi jodugar» orqa panelining o‘rtasidagi, sozlanuvchi ranglarda yonadigan chiziq ham geymerlarga xush yoqadi.
Ammo smartfon sifatidagi imkoniyatlariga ko‘ra Nubia Red Magic 3 unchalik ham xursand qilmasa kerak. Zero, uning bosh kamerasi yakka modulli, barmoq izi skaneri ham «eskichasiga» – orqa panelda joylashgan.
Eslatib o‘tamiz, Nubia Red Magic 3 o‘yinbop smartfoni 28 aprelda taqdim etiladi.
O‘QING: Dunyodagi eng zo‘r Android-smartfonlar o‘ntaligi (AnTuTu reytingi, 2019 yil aprel)
