Barcha iPhone 15 smartfonlari dinamik orolga ega bo'ladi
Apple o'zining iPhone 14 smartfonlarini seriyasini yaqindagina taqdim qilganiga qaramay, ularning navbatdagi avlodi haqidagi ma'lumotlar allaqachon internetga sizdirildi.
Apple qurilmalari uchun ta'minot zanjiri tahlilchisi, Ross Yong o'zining Twitter sahifasida ma'lum qilishicha, yangi iPhone 15 smartfonlarining barcha modellari hozirgi iPhone 14 smartfonlarining faqat Pro variantlarida mavjud bo'lgan dinamik orolga ega bo'ladi.
Yes, Dynamic Island expected on standard models on the 15. Still not expecting 120Hz/LTPO on standard models as supply chain can’t support it.
— Ross Young (@DSCCRoss) September 18, 2022
Agar mish-mishlar to'g'ri bo'lsa, Apple 2017-yilda iPhone X bilan taqdim qilingan katta qora tirqish dizayni butunlay yakunladi va ularning o'rnini tabletka dori shaklidagi dinamik orol to'liq egallaydi.
Biroq, Pro modellardan farqli o'laroq, iPhone 15 oddiy modellari hali ham 120 gertsli LTPO displeyiga ega bo'lmaydi. Bunday displeylar hozirgi iPhone 14 Pro smartfonlarida mavjud va bu bilan ular Always-on Display xususiyatiga ega.
