Bill Geyts: «Koronavirus vaksinasi samarasiz bo‘lishi mumkin»

  •   DiMaX
  •  596
  •  27.06.2020 10:01

Bill Geyts: «Koronavirus vaksinasi samarasiz bo‘lishi mumkin»

Microsoft korporatsiyasi asoschisi Bill Geyts koronavirus vaksinasi infeksiyaning tarqalishida unchalik samarali to‘siq bo‘lolmasligi haqida gapirdi. Bu haqda CNN xabar bermoqda.

O‘QING: «Bill Geyts koronavirus bahonasida insoniyatni chiplashtirmoqchi» – bunga o‘zi nima deydi?

Uning so‘zlariga ko‘ra, vaksinani yaratishda olimlar ikkita omilga — emlangan odam kasallanishining oldini olishga va undan boshqa odamlarga koronavirus yuqtirishning oldini olishga e’tibor qaratmoqda.

Geyts vaksina infeksiya yuqtirishni oldini olish uchun ideal to‘siq bo‘lishiga kafolat yo‘qligini ta’kidladi.

Shu bilan birga, tadbirkor tananing kasallikka qarshi immuniteti samaradorligini yuqori baholadi. Hosil qilingan immunitet, Geytsning so‘zlariga ko‘ra, kamida bir yil davomida qayta yuqtirish xavfidan himoya qiladi.

Bundan tashqari, Microsoft asoschisi AQShdagi yuqumli kasalliklarning asosiy mutaxassisi Entoni Fauchining bashoratini qo‘llab-quvvatladi, unga ko‘ra koronavirus vaksinasi 2020 yil oxirida yoki 2021 yil boshida ixtiro qilinadi.

O‘QING: Bill Geyts hali koronavirus pandemiyasi boshlanmasidanoq oziq-ovqat g‘amlab qo‘ygan ekan!

Сайтимизнинг энг чиройли расмларини Инстаграмдаги саҳифамизда томоша қилинг!