Бир миллион дастурчи қандай тайёрланади?

  •   DiMaX
  •  5312
  •  13.02.2020 16:02

Бир миллион дастурчи қандай тайёрланади?

Шавкат Мирзиёев Олий Мажлисга йўллаган Мурожаатномасида Тошкент шаҳрида замонавий инфратузилмага эга бўлган Дастурий маҳсулотлар ва ахборот технологиялари технологик парки – IT-Парк барпо этилётганини, у ҳозирданоқ ўзининг дастлабки натижаларини бера бошлаганини таъкидлади. Шунингдек, бундай IT-Парклар Нукус, Бухоро, Наманган, Самарқанд, Гулистон ва Урганч шаҳарларида ҳам ташкил этилиши айтилди, деб ёзади Ахборот технологиялари ва коммуникацияларини ривожлантириш вазирлиги.

ЎҚИНГ: Мутлақо бепул «Бир миллион ўзбек дастурчилари» онлайн курсларига марҳамат!

Соҳа учун юқори малакали мутахассислар тайёрлаш мақсадида хорижий ҳамкорларимиз билан биргаликда «Бир миллион дастурчи» лойиҳасини амалга ошириш бошлангани алоҳида эътироф этилди, дейилади хабарда.

Табиийки, кўпчилик юртдошларимизда IT-Парк фаолиятига қизиқиш янада ортди. IT-Парк Президентимизнинг 2018 йилда Ҳиндистонга давлат ташрифи чоғида эришилган келишув асосида Ўзбекистон Республикаси Ахборот технологиялари ва коммуникацияларини ривожлантириш вазирлиги ҳамда Ҳиндистон Республикасининг Электроника ва ахборот технологиялари вазирлиги қошидаги Дастурий технологиялар парклари жамияти билан ҳамкорликда ташкил этилган.

Вазирлар Маҳкамасининг 2019 йил 10 январда қабул қилинган қарорига кўра, IT-Парк фаолиятини йўлга қўйиш чора-тадбирлари белгиланиб, дирексия тузилди. Жорий йилнинг июл ойида унинг дастлабки биноси фойдаланишга топширилди. Асосий вазифа ва йўналишимиздан бири — ахборот технологиялари соҳасидаги бошланғич ва кичик корхоналарга стартап лойиҳаларни амалга оширишда венчур молиялаштириш асосида кўмаклашишдир. Ҳозирда бу ерда ахборот, молия технологиялари, логистика, электрон тижорат, электрон таълим, биотехнология ва бошқа йўналишлардаги илк лойиҳалар муваффақиятли амалга оширилмоқда. Масалан, АҚШдаги транспорт корхоналарига логистика ҳамда кафе ва питссерияларга аутсорсинг бўйича технологик хизмат кўрсатиш йўлга қўйилган. Технопаркда тўртта йўналиш — резидентлар билан ишлаш, IT-Академия, венчур молиялаштириш ҳамда инкубация ва акселерация дастурларини ривожлантириш лойиҳалари бўйича иш олиб борилмоқда.

ЎҚИНГ: «One million Uzbek Coders» лойиҳасига старт берилди

Мурожаатномадаги вазифаларни амалга ошириш учун Дастурий маҳсулотлар ва ахборот технологиялари технологик парки ҳудудини кенгайтириш ва янги инфратузилма объектлари қурилишини бошлаш мақсадида консепсия ишлаб чиқилди. Ҳудудда 400 минг кв. метрдан ортиқ офис бинолари, конференс зал, коворкинг марказ, меҳмонхона ва бошқа бинолар қурилади. Бунинг натижасида дастурий маҳсулот ишлаб чиқувчи мингдан ортиқ янги корхоналар ташкил этилади. 14 мингдан ортиқ янги иш ўринлари яратиш имконияти пайдо бўлади. Нукус, Бухоро, Наманган, Самарқанд, Урганч ва Гулистон шаҳарларида шу йил якунига қадар IT-Парк ҳудудий филиаллари ташкил этилади.

Маълумки, Ўзбекистон аҳолисининг 60 фоизи ёшлар бўлиб, уларни замонавий ахборот технологияларига кенг жалб қилиш, уларга дастурий маҳсулот яратиш ва аутсоринг хизматларини кўрсатишга кўмаклашиш орқали иш билан таъминлаш муҳим вазифалардан ҳисобланади.

Шу мақсадда Ахборот технологиялари ва кмоммуникацияларини ривожлантириш вазирлиги билан Бирлашган Араб амирликларининг «Дубай келажак жамғармаси» ўртасидаги келишувга асосан, мамлакатимизда «Бир миллион ўзбек дастурчилари» лойиҳаси ишга тушди. Бу лойиҳа АҚШнинг «Yudasiti» онлайн ўқув платформасида, 4 та дастурлаш йўналишда олиб борилади. Булар андроид, маълумотлар таҳлили, фулстек ва фронтенддир. Бу курсларда ёшидан қатъи назар, барча иштирок этиши мумкин. Курслар бепул. Ўқиш якунида битирувчиларга сертификат берилади.

Мазкур IT-Парк резидентлари сифатида рўйхатдан ўтган корхоналар 2028 йилнинг 1 январига қадар солиқлар ва божхона тўловларидан озод этилган. Бу соҳа мутахассисларига катта мадад бўлиб, IT-Паркка қизиқишни оширмоқда.

ЎҚИНГ: Хакерликни бошлаш учун 5 та китоб

Terabayt.uz сайтининг видеолари: Youtube'даги каналимизда!