Bir yil deganda Telegram X ham yangilandi: o‘zgarishlar ro‘yxati
O‘zbekistonda juda ommabop bo‘lgan Telegram messenjerining muqobil ilovasi – Telegram X kliyenti ilk bor iOS operatsion tizimli qurilmalar uchun taqdim etilgan edi. Keyinchalik uning Android operatsion tizimida ishlovchi gadjetlarga mo‘ljallangan talqini ham chiqqan.
O‘QING: O‘n beshta messenjerni birlashtiruvchi ilova chiqdi: Telegram, Twitter, Skype – barchasi bittada!
Orada salkam bir yillik tanaffusdan so‘ng Telegram X dasturi yangilandi, deb yozadi rasmiy Telegram Uzbekistan kanali. Garchi haliyam beta-versiyada bo‘lsa-da, ilovaga bir qator foydali imkoniyatlar qo‘shilgan:
- Qadalgan xabarlar 2.0 – istalgan chatda qadash va bir nechta qadalgan xabarlarni ko‘rsatish.
- Chatda rejalashtirilgan xabarlar bor-yo‘qligini chatlar ro‘yxatida ko‘rsatish.
- Yangi emojilarni qo‘llab-quvvatlash.
- Pleylistlar – fayllarni albom sifatida yuborish.
- 2 gigabaytgacha bo‘lgan fayllarni yuborish.
- Anonim administratorlar.
- Yuborishdan oldin videoni siqish darajasini tanlash.
- Postning ulashishlar ommaviy hisoblagichi.
- Hatto username’ga ega bo‘lgan foydalanuvchilarni matn sifatida belgilash.
- Guruh a’zolari ro‘yxatidan administratorlarning anonimligini o‘zgartirish.
- Hajm o‘lchovi birligini tanlash. Masalan: 1 KB = 1000 bayt yoki 1024 bayt.
- Kontaktda bo‘lmagan foydalanuvchi bilan yangi chatdagi yangilangan panel.
- Kanalning bildirishnomalari tovushini yoqish/o‘chirish qadalgan tugmasi.
- Yuklamasdan oldin animatsion emoji/stikerning soyasi.
Shu va boshqa yangi funksiyalardan yangilangan Telegram X mobil ilovasida foydalana olasiz. Ushbu dasturning oddiy Telegram’dan farqlari esa mana bu maqolamizda ko‘rsatilgan.
