Bu yil chiqadigan iPhone SE Plus: dizayni, xususiyatlari va narxi
Apple korporatsiyasi 2021 yilda chiqarishi kutilayotgan smartfonlar orasida iPhone SE 3 ham bor va uni eng ideal hamyonbop ayfon bo‘ladi, deyishmoqda. Shu bilan birga, bulturgi iPhone SE 2020 modelining Plus-versiyasi ham chiqishini ko‘plab insayderlar aytishgan.
O‘QING: Apple bosh aksioneri ham, nihoyat, Samsung tugmachali telefonini tashlab iPhone oldi, lekin...
iPhone SE Plus smartfonining asosiy xususiyatlar haqida aaple_lab nikli insayder ma’lumot tarqatli. Unga ko‘ra, mazkur smartfonning tashqi ko‘rinishi iPhone XR dizaynida bo‘lib, 6.1 dyuymlik IPS-displey bilan taqdim etiladi.
Garchi ekrani tepasida ham kemtik bo‘lsa-da, iPhone SE Plus modelida Face ID qo‘llanmaydi. Uning o‘rniga korpusning yon qirrasida Touch ID datchigi bo‘ladi.
iPhone SE Plus
— Apple Lab (@aaple_lab) January 19, 2021
- Display: 6.1" (IPS)
- Chip: Apple A14 (A13) Bionic
- Camera: Main: 12Mp (iSight), Sefie 7Mp (FaceTime HD)
- Features: 6 Portrait Light effect / OIS / Smart HDR 3 / IP67 / Color (Black / Red / White?)
- Security: TouchID in Home Button
- Price: ≈499$ / ≈589€ pic.twitter.com/wQkz19QYoL
Insayderning so‘zlariga qaraganda, iPhone SE Plus modelining «elektron yuragi» sifatida Apple A14 yoki A13 protsessori tanlanishi mumkin. Uning asosiy kamerasi 13, old kamerasi esa 7 megapiksellik yakka datchiklardan iborat.
Smartfonning korpusini IP67 standartiga ko‘ra suvdan himoyalashmoqda. Apple uni uch xil rangda, 499 AQSh dollaridan (Yevropada esa – 589 yevrodan) sotmoqchi.
O‘QING: Eng tez va eng sekin arzonlashuvchi smartfonlar: qaysilarining narxi ikki karra tez pasayadi?
