Bugun butun dunyoda internet o‘chishi kutilmoqda
Domen nomlari ustidan nazorat olib boruvchi ICANN tashkiloti bugun anchadan buyon rejalashtirib yurgan kriptografik kalitni almashtirishni amalga oshiradi. Natijada bugun, ya’ni 11 oktyabr kuni butun dunyoda internetning keng ko‘lamdagi uzilishi ro‘y berishi kerak.
Darvoqe, bu yerda ekspertlarning fikrlari bir-biriga to‘g‘ri kelmayapti: birlari muammo juda jiddiy bo‘lishi kerak deb hisoblasa, boshqalari foydalanuvchilar ozgina qiyinchilikga duch keladi demoqdalar. Tarmoqqa chiqishda ham muammo kelib chiqishi mumkin. Nima bo‘lgan ham, agar ishlamayotgan saytga duch kelsangiz yoki yuklash jarayoni juda uzoq kechsa, bilingki, bu vaqtinchalik.
O‘QING:Internet-kanallar narxlari bir oyda ikkinchi marta pasaytirilmoqda – endi internet arzonlashadimi?
Umuman olganda, qo‘rqishga sabab yo‘q: garchi kalit almashtirish tadbiri bir bor boshqa muddatga qoldirilgan bo‘lsa-da (dastavval bu sana 11 sentyabr qilib belgilangan edi), asosiy foydalanuvchilar uchun u global tarmoqlarda sezilmaydi. Tarmoqlar uchun yangi kalit joriy qilish tadbiri esa, xavfsizlikni yana ham yuqori darajada ta’minlash maqsadida amalga oshirilmoqda.
O‘QING:“O‘zbektelekom”ning internet-xizmatlari tariflari arzonlashdi
