Davlat test markazi ijtimoiy tarmoqlar va Telegram-kanallardagi firiblardan ogohlantirdi
Ijtimoiy tarmoqlarda turli o‘quv markazlari tomonidan Davlat test markazi bilan hamkorlikda test sinovlari o‘tkazilishi, test topshiriqlari 100% DTM ekspertlari tomonidan tuzilganligi va kirish imtihonlarida tushishi mumkinligi hamda xizmat narxi 55 000 so‘mni tashkil etishi haqidagi xabarlar tarqalmoqda. Davlat test markazi bu kabi xabarlarni rad etdi.
O‘QING: DTM test natijasini onlayn ko‘rish yanada osonlashdi!
«Ijtimoiy tarmoqlarda e’lon qilinayotgan bunday xabarlar butunlay noto‘g‘ri ekanligini ma’lum qilamiz», – deyiladi DTM xabarida.
Davlat test markazi tomonidan o‘tkaziladigan diagnostik test sinovlari Davlat test markazi va uning hududiy bo‘limlarida har payshanba kuni 2 smenada tashkil etiladi va xizmat narxi 15 000 so‘mni tashkil etadi.
Diagnostik test sinovlari uchun ro‘yxatga olish Davlat test markazining interaktiv xizmatlar portali (my.dtm.uz sayti) orqali amalga oshiriladi.
O‘QING: Instagram va Telegram’dagi tadbirkorlar DSQda ro‘yxatdan o‘tishlari shart!