Dell kompaniyasi XPS 15 va XPS 17 noutbuklarini taqdim etdi
Dell o‘zining Windows operatsion tizimida ishlovchi XPS 15 va XPS 17 noutbuklarini yangiladi. Ikkala noutbuk ham Intel'ning Lake-H 12-avlod protsessori bilan jihozlangan bo‘lib, uning Core i5-12500H, Core i7-12700H va Core i9-12900HQ turlari qurilmalarga o‘rnatiladi.
Yangi noutbuklar 64GB gacha bo‘lgan DDR-4800 tezkor xotirasi va 4TB gacha PCIe4 X4 SSD kartasini qo‘llab-quvvatlaydi. Qurilmalar oq va qora ranglarda sotiladi.
Xaridorlar ikkala o‘lchamdagi 3840 x 2400 rezolyutsiyadagi IPS sensorli ekran, shuningdek, eski 1920 x 1200 pikselli sensorli bo‘lmagan versiyalarni tanlashlari mumkin. 15 dyuymli model esa 3456 x 2160 piksel o‘lchamdagi OLED displey bilan jihozlangan. 15 dyuymli asosiy model Nvidia GeForce RTX 3050, 17 dyuymli model RTX 3060 grafik protsessoriga ega.
Dell XPS 15 noutbukining 8/256GB xotira va Core i5 protsessorga ega bo‘lgan turi 1449 dollar narxda sotuvga chiqadi. XPS 17 modelining narxi esa 1849 dollardan boshlanadi.
O‘QING: Samsung yangi buklanuvchi smartfon ishlab chiqarishi mumkin