«Disneylend»da «o‘rgimchak-odam» rolini kaskadyor-robot o‘ynayapti! («jonli» video)
Kaliforniyadagi «Disneylend»da yaqinda «Qasoskorlar» kampusi ochildi. U yerga tashrif buyuruvchilarni bino ustiyu atrofida sakrab yurgan «o‘rgimchak-odam» ko‘proq jalb etmoqda. Lekin eng qizig‘i – bu kaskadyor emas, balki haqiqiy robotdir!
O‘QING: Dunyodagi eng takomillashgan (va qo‘rqinchli) robotlar
Robot tomoshaning eng xavfli lahzalarida aktyorning o‘rnida rol o‘ynaydi. Binodan binoga sakrab o‘ynayotgan robotning xatti-harakatlarini insonnikidan farqlash qiyin.
«Disney» o‘zining kaskadyor-roboti haqida bundan bir necha yil avval xabar bergan, ammo unda hali «o‘rgimchak-odam» libosi yo‘q edi. Mazkur robot bir qator datchiklar bilan jihozlangan, shular yordamida u atrofdan ma’lumot olib, o‘z harakatlarini boshqaradi.
