Dunyo bo‘yicha simsiz 5G-internet tezligi reytingi: Nyu-Yorkda o‘ta past...

  •   DiMaX
  •  1259
  •  03.02.2021 09:24

Dunyo bo‘yicha simsiz 5G-internet tezligi reytingi: Nyu-Yorkda o‘ta past...

O‘tgan yili Bloomberg o‘z jurnalistlarini 5G-smartfonlar bilan ta’minlab, internet tezligini sinab ko‘rish uchun dunyodagi to‘rtta yirik shaharga jo‘natgan va natijalarini e’lon qilgan edi. Endi esa Janubiy Koreyaning yangilik agentligi – Yonhap bugungi kunda eng tezkor 5G-interneti mavjud bo‘lgan shaharlar reytingini taqdim etdi.

O‘QING: Dunyodagi barcha 5G-tarmoqlar xaritasi ishga tushdi: Markaziy Osiyoda bittagina mamlakat!

Mazkur tadqiqot uchun iPhone 12 smartfonidan foydalanilgan – unga o‘rnatilgan Ookla Speedtest ilovasi orqali 15 ta yirik shaharda 5G-internet tezligi o‘lchangan.

Ortiqcha tafsilotlarga to‘xtalib o‘tirmasdan, bevosita reytingga o‘tamiz – u quyidagicha ko‘rinish olgan:

  1. Seul – 472,28 Mbit/s;
  2. Dubay – 338,53 Mbit/s;
  3. Ar-Riyod – 319,25 Mbit/s;
  4. Sidney – 319,25 Mbit/s;
  5. Xelsinki – 238,5 Mbit/s;
  6. Tokio – 193,21 Mbit/s;
  7. Berlin – 163,57 Mbit/s;
  8. London – 161,58 Mbit/s;
  9. Syurix – 151,91 Mbit/s;
  10. Rim – 150,2 Mbit/s;
  11. Gonkong – 140,75 Mbit/s;
  12. Amsterdam – 140,19 Mbit/s;
  13. Madrid – 133,45 Mbit/s;
  14. Nyu-York – 97,33 Mbit/s;
  15. Singapur – 93,62 Mbit/s.

Simsiz 5G tarmog‘i orqali internetga ma’lumot yuklash (upload) tezligi bo‘yicha ham Seul yetakchilik qilmoqda – 49,09 Mbit/s. Ikkinchi o‘rinda Amsterdam (33,39 Mbit/s) bo‘lsa, kuchli uchlikni Syurix (33,18 Mbit/s) yakunlab bergan.

Aytib o‘tish kerakki, Ucell uyali aloqa operatori O‘zbekistonda ilk bor 5G tarmog‘ini sinovdan o‘tkazgan va keyinroq amalda ishga tushirgan. Shuningdek, Uzmobile ham 5G texnologiyasini sinov tariqasida joriy etgan.

O‘QING: Mana, 5G tarmoqlarining birinchi va haqiqiy xavfi!

Xabarlarni tez va oson o'qish uchun Android ilovamizni saqlab oling.