DxOMark taxtidan Mate 30 Pro va Mi CC9 Pro’ni ag‘dargan yangi qirol! (+video)
Joriy yilning kuzida chiqqan Huawei Mate 30 Pro flagmani DxOMark reytingida eng yuksak o‘rinni olgandi. Keyinroq esa Premium talqinidagi Xiaomi Mi CC9 Pro flagman ham u bilan bir xil – 121 ballik natija ko‘rsatgan va hozirgacha bu ikkovlon taxtni teng bo‘lishib kelishayotgan edi.
O‘QING: 2019 yilning eng zo‘r kamerofonlari: DxOMark reytingi chiqdi
Lekin bugun – 17 dekabr kuni DxOMark servisi navbatdagi flagmanning tekshiruv natijalarini e’lon qildi. Bu ham Huawei mahsuloti, aniqrog‘i, o‘sha kamerofonning 5G-versiyasi – Mate 30 Pro 5G flagmani bo‘lib, barcha smartfonlardan yuqori – 123 ball oldi.
Agar e’tibor beradigan bo‘lsak, Huawei Mate 30 Pro 5G ham fotoimkoniyatlari, ham videoga tushirishi bo‘yicha eng yuksak natijalar qayd etgan:
Mutaxassislarning fikricha, Mate 30 Pro 5G flagmani o‘zining oddiy versiyasiga juda yaqin, ammo Huawei uning dasturiy ta’minotini yanada takomillashtirgan va optimizatsiya qilgan, bu esa DxOMark baholashida o‘zini ko‘rsatgan.
O‘QING: DxOMark’ning yangi reytingida Huawei hali taqdim etmagan 5G-smartfon rekord o‘rnatdi!
Huawei Mate 30 Pro 5G kamerasida olingan quyidagi videoda uning imkoniyatlarini “jonli” kuzatishingiz mumkin:
Agarda kamera imkoniyatlarini tekshirish natijalari bilan batafsil tanishishni istasangiz, mana bu havola orqali DxOMark saytining tegishli (inglizcha) sahifasiga o‘ting.
O‘QING: 2019 yilning eng sara sakkizta smartfoni (IGN versiyasi)