Endi Instagram Stories'lariga ham layk bosish mumkin
Instagram Stories'lar uchun shaxsiy layk funksiyasini chiqardi. Bu xususiyat foydalanuvchiga Stories'larga DM (Direct Message) bilan reaksiya xabarini yuborish o‘rniga, ularga to‘g‘ridan-to‘g‘ri layk bosish imkonini beradi va u xabar jo‘natish va kichik qog‘oz samolyot belgisi o‘rtasida yurakcha shaklida joylashgan bo‘ladi.
Layklar boshqalar uchun ko‘rinmaydi, shuningdek sanalmaydi ham. Stories'laringizni kim ko‘rganligi haqidagi sahifani ochganingizda u yerda kimlar layk bosganligini ko‘rishingiz mumkin bo‘ladi.
"Bundan maqsad odamlar bir-birlarini ko‘proq qo‘llab-quvvatlashlari mumkinligiga ishonch hosil qilish, shuningdek DM'larni biroz tozalash hamdir." deydi Adam Mosseri.
Yangi funksiyadan foydalanish uchun Instagram ilovangizni yangilang.
O‘QING: Telegram'ga "Statuslar" funksiyasini qo‘shish taklif qilinmoqda