Eng qudratli Android-flagmanlar (AnTuTu V9 reytingi, 2021 yil aprel)
O‘tgan oy boshida biz martdagi testlar natijalariga ko‘ra AnTuTu benchmarkining bir nechta reytinglarini e’lon qildik. Bular: Xitoy bozoridagi eng kuchli Android-flagmanlar va o‘rta narxli smartfonlar, jahon miqyosidagi eng zo‘r flagmanlar va eng kuchli hamyonbop smartfonlar, shuningdek, o‘z egalarini rozi qilgan smartfonlar kabilardir. Bu ro‘yxatlardan tashqari...
O‘QING: O‘z narxi doirasida eng kuchli smartfonlar (AnTuTu’ning beshta reytingi, 2021 yil mart)
AnTuTu benchmarki bir oycha avval o‘zining test ilovasini yangilab, 9-versiyada chiqargan edi. Aprel reytingi aynan mana shu – AnTuTu V9 talqinida test qilingan smartfonlar natijalariga asoslangan.
Aprel oyida eng kuchli flagmanlar reytingini Qualcomm Snapdragon 888 protsessorli modellar butkul band etgan:
Mart oyidagi reytingda Xiaomi korporatsiyasining o‘yin qurilmalariga ixtisoslashgan brendi yaqindagina taqdim etgan flagman – Black Shark 4 Pro modeli eng zo‘ri bo‘lib chiqqan edi. Aprel davomida AnTuTu V9 ilovasidagi tekshiruvlar natijasiga ko‘ra u 860 467 ball bilan yana birinchi bo‘lib turibdi.
O‘QING: 2021 yil 1-chorakdagi eng zo‘r o‘nta smartfon (Master Lu reytingi)
Ko‘rib turganingizdek, kuchli o‘ntalikka yana quyidagi smartfonlar kirgan:
- OPPO Find X3 Pro – 831 801 ball
- Nubia Red Magic 6 Pro – 828 649 ball
- OnePlus 9 Pro – 826 004 ball
- Lenovo Legion 2 Pro – 821 571 ball
- Vivo X60 Pro+ – 815 884 ball
- iQOO 7 – 815 589 ball
- OnePlus 9 – 809 703 ball
- Xiaomi Mi 11 Ultra – 808 131 ball
- Xiaomi Mi 11 – 801 900 ball
Ushbu reytingni shakllantirishda 1 apreldan 30 aprelgacha Xitoydagi foydalanuvchilar tomonidan AnTuTu servisida kamida ming marta tekshirib ko‘rilgan smartfonlarning o‘rtacha (eng yuqori emas) ko‘rsatkichlari hisobga olingan.
O‘QING: Android olamida yangi rekordchi: benchmarkda salkam million ball!