Fendi modalar uyi Polaroid hamkorligida yaratilgan fotoapparatini sotuvga chiqardi
Italiyaning Fendi modalar uyi fotokamera va optika ishlab chiqarish bilan shug‘ullanuvchi Polaroid kompaniyasi bilan hamkorlikda Vintage Polaroid OneStep Close-Up 600 nomli modelni taqdim etdi. Ushbu kamera Polaroid 600 plyonkasida ishlaydi va qo‘lda boshqariluvchi chaqnoqqa ega, deb xabar beradi Daryo nashri.
O‘QING: DxOMark taxtiga – Xiaomi Mi 10 Pro yoniga atigi 48 MPlik kamera bilan kim chiqib oldi?
Shakli jihatidan qurilma 1990 yillardagi original kamerani takrorlaydi, biroq korpusi ikkitalik F harfi shaklidagi turli ranglarga ega Fendi monogrammalari bilan qoplangan. Ushbu dizaynni Nyu-yorklik rassom Sara Koulman o‘ylab topgan: u monogramma naqshini xuddi «baliq ko‘zi» ob’yektivi orqali suratga olganday, o‘zgartirib ko‘rsatgan.
Kameraning o‘zi har qanday vaziyatda suratga olishni amalga oshira olmaydi — Polaroid 600 plyonkasiga «proyavka» uchun kamroq yorug‘lik kerak.
O‘QING: Prynt: smartfoningizni «polaroid»ga aylantiring! (+video)
Vintage Polaroid OneStep Close-Up 600 fotoapparatiga 120 santimetrdan boshlanuvchi fokusli 110 millimetrli ob’yektiv o‘rnatilgan va u 60—120 santimetr oralig‘ida makrosuratga olishga mo‘ljallangan ob’yektivga ega.
Kamerani Fendi sayti orqali onlayn tomosha qilish, brendning butun dunyodagi do‘konlari orqali 950 dollar evaziga xarid qilish mumkin.
O‘QING: Shrink Me – surat sifatini saqlagancha hajmini kichraytirib beruvchi bepul servis!