Galaxy Fold g‘ilofini Samsung yana bitta smartfon narxida sotadi!
Samsung o‘zining inqilobiy qurilmasi – Galaxy Fold buklama smartfonini fevralda taqdim etgan bo‘lsa-da, sotuvga hali chiqarmadi. Kompaniya hozirda yana ikkita buklama smartfon tayyorlayapti, ulardan biri Huawei Mate X’ga o‘xshaydi.
Galaxy Fold smartfonini xarid qilganlar ham uni avaylab, g‘ilofga solib, himoyalab ishlatishlari tayin. Angliyadagi eng yirik smartfon aksessuarlari do‘koni – MobileFun saytida yozilishicha, Samsung mazkur qurilma uchun o‘zi g‘ilof ham taqdim etadi va u taxminan mana bunday ko‘rinishda bo‘ladi:
Eng qizig‘i shundaki, janubiy koreyalik korporatsiyaning ushbu aksessuari 120 dollarga baholanadi, bu esa bendayroq bitta smartfonning narxiga teng!
MobileFun internet-do‘koni esa Galaxy Fold uchun arzonroq g‘iloflarni ham taklif etmoqda. Jumladan, Case-Mate modellari, versiyasiga bog‘liq holda 45 va 65 dollar turadi. Samsung esa Galaxy Fold uchun chiqariladigan g‘iloflarini ikki oydan so‘ng, oq va qora ranglarda sotuvga qo‘yadi.
O‘QING: Eshagidan tushovi qimmat: bu smartfon g‘ilofi naq 3012 dollar turadi!