Galaxy S10e avtonomligini ham iPhone XR bilan solishtirib ko‘rishdi. Afsus...
Samsung kompaniyasi yaqinda o‘ninchi avlod flagman smartfonlari seriyasida uchta – Galaxy S10, Galaxy S10+ hamda Galaxy S10e modellarini taqdim etgandi. Bulardan eng kattasining akkumulyatorini – to‘lish muddati va qanchalik uzoq vaqtga yetishi bo‘yicha tekshirib ham ko‘rishgan.
Endi esa Phone Arena nashri ekspertlari xuddi shu usulda mazkur turkumning «kenjatoy»i – Galaxy S10e modelini ham sinab ko‘rishdi. Aytish kerakki, ushbu model kupertinolik texnogigantning iPhone XR smartfoniga asosiy raqib hisoblanadi. Lekin avtonomligi bo‘yicha u 2018 yilgi eng arzon ayfonga teng kelish uyoqda tursin, deyarli bir yarim baravarga ortda qoldi!
Mana, test natijalarini ko‘ramiz:
Guvohi bo‘layotganingizdek, avtonomlik borasida iPhone XR nafaqat asosiy raqobatchisi – Galaxy S10e smartfonidan, balki Samsung’ning Galaxy S10+ hamda Galaxy Note 9 kabi flagman modellaridan ham ustun kelgan! «Kichkina» ayfonga bu yo‘nalishda salgina yaqinlashgan model esa xitoyliklarning OnePlus 6T flagmani bo‘lgan, xolos!
Eslatib o‘tamiz, Terashop.uz internet-do‘konimizdan turli rusumlardagi iPhone’larni 2 020 000 so‘mdan boshlanuvchi narxlarda xarid qilish, Samsung smartfonlarini esa 859 000 so‘mdan boshlangan narxlarda sotib olish imkoni bor. Ayniqsa, hozirda mazkur internet-do‘kondan xarid qilsangiz, «Bahor kayfiyati» aksiyasi doirasida yutuqqa ham ega bo‘lishingiz mumkin!
