GameDev Goethe bepul loyihasi: eng zo‘r o‘yin yaratuvchisiga aylaning!
O‘zbekistonda faoliyat ko‘rsatayotgan Gyote Instituti hamda IT-Park birgalikda GameDev Goethe loyihasini amalga oshirmoqda. Bu to‘g‘rida O‘zbekiston Respublikasi Axborot texnologiyalari va kommunikatsiyalarini rivojlantirish vazirligi xabar bergan.
O‘QING: Sovrin fondi 60 million so‘mlik onlayn kibersport musobaqasiga marhamat!
O‘yin yaratishga qiziquvchi yoshlar o‘z kuchlarini GameDev Goethe nomli loyihasida sinab ko‘rishlari mumkin.
Loyihaning asosiy maqsadi — kompyuter o‘yinlarni yaratishda endigina birinchi qadam qo‘yayotgan ixtirochilarga ko‘mak berish.
GameDev Goethe loyihasida ishtirok etadiganlar nimadan yutadi? Ular qo‘yidagi afzalliklarga ega bo‘ladi:
- bebaho tajriba va bilimlarga ega bo‘lish;
- mutaxassislar yordamida qisqa vaqt ichida o‘z o‘yinni yarata olish va tayyor o‘yinni o‘z shaxsiy portfolioga qo‘shish;
- GameDev bo‘yicha O‘zbekistondagi yetakchi mutaxassislaridan muntazam ravishda maslahatlar olib borish;
- O‘zbekistondagi birinchi O‘yin ajumanida minglab ishtirokchilar oldida o‘z o‘yinni namoyish etish va qimmatbaho sovg‘alarni qo‘lga kiritish;
- buyurtma olish yoki o‘yinlar ishlab chiqish sohasida ish topish uchun o‘zlarini o‘yin dasturchilarining ro‘yxatiga qo‘shish;
- o‘z o‘yinni Google Play, AppStore onlayn do‘konlarida joylashtirish va uni reklama qilish uchun mablag‘ olish imkoniga ega bo‘lish.
Loyihada ishtirok etish esa mutlaqo bepul!
Arizalarni qabul qilishning oxirgi muddati – 15 aprel!
Shoshiling, joylar cheklangan!
GameDev loyihasida ishtirok etish uchun https://forms.yandex.ru/u/5e4ceb134e61cc0182f13739/ havolasi orqali o‘ting.