Geekbench hali chiqmagan SD865+ protsessorli Galaxy Note 20+ 5G’ni taqdimotdan avval fosh etdi
Galaxy Note 20 turkumidagi fabletlarini Samsung hali shu yilning avgust oyidagina namoyish qiladi. Shunga qaramasdan, ularning ayrim xususiyatlari va render suratlari chiqqan, yana...
O‘QING: Yashirin kamerali birinchi Samsung smartfonini ilk bor yoqiq holida «jonli» ko‘ramiz!
Geekbench servisida esa allaqachon ushbu smartfonlardan birini tekshirib ham ko‘rishdi. Model raqami SM-N986U bo‘lgan mazkur gadjetning bozorga Galaxy Note 20+ 5G nomi ostida chiqishi aytilmoqda.
Sintetik testning yakka yadroli sinovida u 985 ball, barcha yadrolarini ishga tushirganda esa 3220 ball natija ko‘rsatgan:
Benchmark ma’lumotlar bazasida aks etishicha, Galaxy Note 20+ 5G fableti Android 10 operatsion tizimi boshqaruvi ostida ishlaydi. Tekshirib ko‘rilgan smartfonning tezkor xotirasi esa 8 gigabaytlik hajmga ega.
Bundan tashqari, ushbu smartfon rasman namoyish etilmagan Snapdragon 865+ protsessoriga ega. Qualcomm uni hali shu yilning uchinchi choragida taqdim etishi kutilmoqda.
The Galaxy Note20 + will use the Snapdragon 865+ processor. Why do you say this? Because from the Geekbench results, we found that the processor's large core frequency is as high as 3.09GHz, and the 865 frequency is 2.84GHz, so we have reasons to think that it is 865+ . pic.twitter.com/I9bU87RPRD
— Ice universe (@UniverseIce) April 2, 2020
Bir necha insayderlarning xabar berishiga qaraganda, mazkur chipset jamlanmasidagi yuksak samarador yadroning chastotasi 3.09 gigagersgacha oshiriladi. Amaldagi flagman – Snapdragon 865 protsessorida esa bu ko‘rsatkich 2.84 gigagersga teng.
Galaxy Note 20 turkumidagi planshetofonlarning bozorga One UI 2.5 grafik qobig‘i bilan taqdim etilishi kutilayotir.
O‘QING: Samsung uchta modeldagi flagmanlari egalarini xafa qiladigan bo‘ldi
