GM ilk bor katta shahar ko‘chalarida haydovchisiz elektromobillarni sinovdan o‘tkazadi
General Motors kompaniyasi San-Fransisko ko‘chalarida mutlaqo avtonom avtomobillarni sinovdan o‘tkazadi. Bu haqda kompaniya matbuot xizmati xabariga tayanib Kun.uz nashri yozmoqda.
O‘QING: Putin bilan ko‘rishgan robotni Tesla avtopiloti urib «o‘ldirdi» (+video)
Kompaniyaning haydovchisiz avtomobillar ishlab chiqarish bo‘yicha bo‘linmasi bo‘lgan Cruise Kaliforniya transport departamentidan haydovchisiz avtomobillarni shahar muhitida sinovdan o‘tkazishga ruxsat oldi. Ilgari haydovchisiz avtomobillarda zarurat tug‘ilganida uni nazorat qilish uchun haydovchi ham o‘tirishi lozim edi.
Yaqin vaqt ichida bir nechta haydovchisiz avtomobilni sinovdan o‘tkazishni boshlash rejalashtirilgan. Shu tarzda Cruise haydovchisiz elektromobillari AQShning yirik ko‘chalarida paydo bo‘ladigan birinchi kompaniyaga aylanadi. Shu vaqtga qadar bunday avtomobillarni faqat kichik shaharlarda sinashga ruxsat berilgandi.
«Yil oxirigacha San-Fransisko ko‘chalariga haydovchisiz avtomobillarimizni jo‘natamiz – benzinsiz va ichida haydovchi bo‘lmagan avtomobillarni», dedi Cruise bosh direktori Den Ammann.
O‘QING: O‘zbekistonda haydovchisiz boshqaradigan avtomobillar texnologiyasi rivojlantiriladi
