God of War o‘yinlarining «otasi» PlayStation 5 taqdimot kunini «sotib» qo‘ydi
Sony o‘zining navbatdagi – PlayStation 5 o‘yin pristavkasini e’lon qilganidan beri uning ko‘rinishi va xususiyatlari haqida ma’lumotlar tarqalmoqda. Terabayt.uz’da uning render videosi, shuningdek, konsolning va geympadning ilk «jonli» rasmlari ham e’lon qilingan.
O‘QING: PlayStation 5 allaqachon Xbox Series X ustidan ilk g‘alabasini qozondi
Shunday bo‘lsa-da, yapon kompaniyasi beshinchi avlod o‘yin pristavkasini qachon rasman ko‘rsatishini hali-hanuz sir tutmoqda. God of War o‘yinlar turkumining yaratuvchisi Devid Yaffe esa bu sirni ochib qo‘ydi. Twitter orqali uning yozishicha, PlayStation 5 taqdimotiga bir oy ham vaqt qolmagan:
PS5 reveal is less than 4 weeks away. Sony knows hard core gamers are hanging on every scrap of info and know that just cause MSFT dominates the conversation at the moment, that's an easy thing to change when they are ready to reveal (assuming the reveal is good).
— David Scott Jaffe (@davidscottjaffe) January 16, 2020
«PS5’ni 4 haftaga ham qolmasdan ko‘rsatishadi. Xardkor geymerlar u haqdagi ma’lumotlarning har bir luqmasini ishtaha bilan yutayotganidan Sony’ning xabari bor, Microsoft esa hozirda yangi avlodlar poygasida yetakchilik qilmoqda. Kompaniya [консолни] ko‘rsatishga tayyor bo‘lganida (ayniqsa, namoyish zo‘r bo‘lsa), vaziyat juda oson o‘zgaradi», – degan geymdizayner.
Devid Yaffe bu yerda PlayStation Meeting tadbirini nazarda tutayotir; ushbu marosim esa 12 fevralda bo‘lib o‘tadi.
O‘QING: PlayStation uchun DualShock 5: Endi o‘rta barmog‘ingiz ham bo‘sh qolmaydi!
