Google endi blogerlar nasibasini ham qirqadi (rasmiy video)
Dunyodagi eng ommalashgan videoxosting – YouTube tarmog‘i ham Google kompaniya qarashli ekanligidan xabaringiz bor. Qidiruv giganti unda faoliyat olib borayotgan blogerlarga yoqmaydigan o‘zgarish haqida xabar bermoqda.
O‘QING: YouTube’da reklamadan eng ko‘p pul topayotgan rossiyalik blogerlar (Forbes reytingi, 2020 yil)
Yangi qonun-qoidalarga ko‘ra, 2021 yilning iyunidan boshlab xorijlik YouTube-blogerlar daromadlaridan AQSh g‘aznasiga soliq olib qoladi. Aniqrog‘i – reklama tomoshasidan, YouTube Premium obunasidan, superchat va superstikerlardan, shuningdek, AQShlik foydalanuvchilarning homiyligidan tushadigan daromad soliqqa tortiladi.
Ushbu o‘zgarishlar haqidagi videolavhani YouTube Creators kanali ruscha subtitrlar bilan e’lon qilgan:
Xorijlik YouTube-blogerlar hisobiga AQShdagi foydalanuvchilar tomosha qilganidan tushadigan daromad uchun 0% dan to 30% gacha miqdorda soliq solinadi. Soliq miqdori esa bloger yashayotgan mamlakat bilan AQSh o‘rtasida ikki marta soliqqa tortmaslik haqida bitim bor-yo‘qligidan kelib chiqib belgilanadi.
Eslatib o‘tamiz: YouTube saytida har kim ham o‘z kanalini ochishi mumkin va buning eng oson yo‘li to‘g‘risida biz batafsil yo‘riqnoma ham e’lon qilganmiz.
O‘QING: YouTube’dan reklamalarni olib tashlashning o‘ta oson yo‘li topildi!