Google o‘zining bosh sahifasiga o‘zgartirish kiritmoqda
Google qidiruv tizimining kompyuter uchun bosh sahifasi o‘zining toza interfeysi bilan mashhur. Lekin endi kompaniya zerikarli sahifaga o‘zgartirishlar kiritmoqchi va u bir qator vidjetlarni sinashni boshlagani ma’lum bo‘ldi.
Vidjetlar google.com veb-sahifasining pastki qismida bir qator bo‘lib joylashgan bo‘ladi va albatta, ularni yashirib qo‘yish ham mumkin. Sizning qayerda turganligingiz va so‘nggi qidiruv tarixlaringizga qarab vidjetlar sizga ob-havo, yangiliklar, filmlar, aksiyalar, mahalliy tadbirlar va koronavirus haqida ma’lumotlar beradi.
Kursorni biron vidjetga olib borsangiz u kattalashadi, ustiga bosganingizda esa to‘liq oynada ochiladi. Vidjetlar faqat bir qatordan tashkil topgan bo‘lib, ularning soni kompyuteringiz ekraniga bog‘liq bo‘ladi va ularni pastga/tepaga aylantirib bo‘lmaydi.
Afsuski, vidjetlar Google sahifasiga qachon qo‘shilishi haqida ma’lumot yo‘q.
