Hali o‘n yil ham o‘tmadi: Terrafugia Transition uchar avtomobili 2019 yilda sotuvga chiqadi

  •   Saroy
  •  770
  •  20.07.2018 11:34

Hali o‘n yil ham o‘tmadi: Terrafugia Transition uchar avtomobili 2019 yilda sotuvga chiqadi

Ushbu loyiha ishga tushirilganiga endigina o‘n yil bo‘lsa-da, Terrafugia kompaniyasi o‘zining Terrafugia Transition uchar avtomobilini qachon sotuvga chiqarishi haqda ma’lum qildi.

Qanotlari yig‘iladigan ushbu avto-samolyot 2019 yilning boshida sotuvga chiqariladi, narxi 330 ming dollar. Uchar mashinaning tezligi soatiga 161 km. Eng uzoq parvoz 644 kilometrgacha davom etadi. Yerda esa Terrafugia Transition qanotlari yig‘ilgan holatda soatiga 100 kilometr tezlik bilan yura oladi. Apparat gaz-elektr dvigatelda ishlaydi va Boost funksiyasi bilan ta’minlangan. Bu motorning qudratini qisqa vaqtda oshira oladi. Shuningdek, uchar avtomobil to‘rtta xavfsizlik yostiqchasi hamda parashyut  bilan jihozlandi.

Terrafugia Transition astomobilini yaratish 2008 yilda boshlangan edi. Ilk «jonli» test bir yil o‘tib amalga oshirildi. Shundan buyon to‘laqonli anons har doim qoldirib kelinardi, investorlar ketib qolardi, yangi investorlar jalb qilinardi, samolyotning dezayni takomillashtirilardi yoki yangisiga almashtirilardi.  Xullas, bu vaqt mobaynida Terrafugia Transition  dunyoda birinchi bo‘lib uchar avtomobil yaratish imkoniyatidan mahrum bo‘ldi.  2014 yilda uni Helicycle Pal-V  ortda qoldirib, o‘zining ikki o‘rinli uchar qurilmasini chiqardi. Ushbu apparatning narxi 295 ming dollar qilib belgilangan edi. To‘g‘ri, Helicycle Pal-V  tezda xonavayron bo‘ldi va hozirda ushbu model sotuvda yo‘q.

 

Sayt yangiliklaridan doimiy xabardor bo'lish uchun Telegram kanalimizga qo'shiling!