Honor Play 5 smartfonining ba’zi jihatlari ma’lum bo‘ldi
GSMArena nashrining ishonchli insayder Digital Chat Station'ga tayanib xabar berishicha, Honor Play 5 smartfoni Dimensity 800U chipida ishlab, 6.53" FullHD+ OLED paneliga ega bo‘ladi.
GSMArena sizdirgan eksklyuziv renderdan ko‘rinadiki, smartfonning orqa panelida barmoq izi skaneri mavjud emas, skaner ekran ostida joylashgan bo‘lishi kerak.
Qurilmaning 64MP asosiy kamerasiga 8MP (ultrakeng kamera bo‘lishi kerak) va ikkita 2MP (sath va makro kameralari bo‘lishi kerak) kameralari sherik qilinishi aytilmoqda. Smartfon 7.46 mm qalinlikka ega bo‘lib, 179 g tosh bosadi. Akkumulyator sig‘imi esa 3,800 mAs.
Tez orada smartfonning boshqa jihatlari ham ma’lum bo‘lishini kutib qolamiz.
O‘QING: Unisoc chipi va ikkita kameraga ega Honor Play 20 smartfoni taqdim qilindi
