HTC smartfon ishlab chiqarishdan voz kechmoqchi
HTC kompaniyasi smartfonlarini boshqa ishlab chiqaruvchilarga berib yuborishi mumkin. Bu haqda o‘zining aniq bashoratlari bilan nom qozongan LlabTooFeR degan tahliliy kompaniya Twitter’da xabar tarqatdi.
Manbada aytilishicha, yangi smartfon o‘rtacha toifada bo‘ladi va kod nomi Imagine Life. U ham HTC U12 Life’ga o‘xshab chiqadi va Android 8.1 Oreo nazoratida ishlaydi. Shu bilan birga, smartfon begona ishlab chiqaruvchida ODM sxemasida chiqadi.
Ta’kidlash joizki, bundan avval ham ko‘plab taniqli brendlar mana shunday amaliyotga tez-tez murojaat qilib kelgan. Ular asosan arzon qurilmalarini boshqa ishlab chiqaruvchilariga beradi. Shunday brendlarning orasida masalan, LG, Lenovo, Xiaomi, Meizu, va Huawei kompaniyalari ham bor. Bunday amaliyotni yil oxirigacha Samsung’dan ham kutishyapti.
O‘QING:HTC’da inqiroz: kompaniya 15 yillik faoliyati davomida eng og‘ir vaziyatga duch keldi
Kutilganidek, smartfon 6-dyuymli Full HD+ (2160 x 1080 pikseley) formatidagi displey bilan ta’minlanadi. Ikkitalik asosiy kamerasi 16+5 Mp, u fazali avtofokusli va 4K-video yozuv imkoniyati bilan ta’minlangan. Qolaversa, qurilmada 13-megapikselli chaqnog‘i bor old kamera ham joylashtirilgan.
Apparatning asosi sakkizyadroli Qualcomm Snapdragon 636 protsessori bo‘ladi. U 4 GB tezkor xotira va 64 GB ichki flesh-xotiraga ega. Akkumulyatori 3600 mAch sig‘imli. Barmoq izlari skaneri ham bor, biroq u qayerda joylashgani noma’lum.