Huawei «Bir qadam oldinda»: Samsung’ning «teshik» ekranli smartfonlaridan avval Nova 4 chiqyapti! (+«jonli» suratlar)
Samsung kompaniyasi ekranida old kamera uchun «kemtik» emas, balki «teshik» ochilgan ekranga ega smartfon chiqarmoqchi ekanini ma’lum qilgandi. Ammo janubiy koreyaliklar buni amalga oshirgunicha tinib-tinchimas xitoyliklar ulardan o‘zib ketishdi.
Internetda Huawei taqdimotga tayyorlayotgan navbatdagi smartfonning reklama posteri tarqalmoqda. Tasvirda aks etgan fazodagi «qora tuynuk» smartfonning displeyida old kamera uchun «o‘yilgan» tirqishga ishora qiladi:
Reklama posterida biryo‘la ikkita shior aks etgan: «One Step Further» («Bir qadam oldinda») hamda «See the Future» («Kelajakni ko‘rish»). Bulardan birinchisi shuni anglatadiki, Huawei kompaniyasi «teshik» ekranli smartfonni janubiy koreyalik raqibidan avval namoyish etadi.
O‘QING: Huawei allaqachon bitta smartfonida mutlaqo yangi – Fuchsia operatsion tizimini sinamoqda!
Huawei’ning «teshik» ekranli ilk smartfoni Nova 4 modeli bo‘lishi haqidagi farazlar hali bir necha kungina avval paydo bo‘lgan. Shuningdek, internetda mazkur gadjetning yana bir nechta «jonli» surati tarqalgan:
Aytish kerakki, allaqachon «tirqish»li displeyga ega smartfon tayyorlagan faqatgina Samsung bilan Huawei emas...
O‘QING: Galaxy A8s’ning yana bir raqibi – «teshik» ekranli Lenovo Z5s «jonli» surati bilan fosh etildi!
Huawei Nova 4 ilk bora Xitoy metropoliteni vagonida «qo‘lga tushgan» edi. Endi esa uning yuqoridagi ikkita va mana bu rasmlari ham paydo bo‘ldi:
Yuqoridagi posterga ko‘ra, Huawei Nova 4 mana shu dekabr oyidayoq rasman taqdim qilinadi. Xitoylik texnogigantning allaqachon jahon bozoriga chiqargan ayrim smartfonlarini esa allaqachon Terashop.uz internet-do‘konimizdan onlayn usulda, 890 000 so‘mdan boshlanuvchi narxlarda sotib olish imkoni bor.