Huawei biryo‘la Samsung va Apple’ni masxaraladi
Kuni kecha Apple hamda Samsung kompaniyalari Italiyada jarimaga tortilgan edi. Sababi – ular eski modellardagi smartfonlarining ishlashini dasturiy ta’minot orqali atayin sekinlashtirishganidir.
O‘QING: iPhone’larni atay sekinlashtirgani sababli Apple’ni sudga berishdi
Jadal rivojlanib kelayotgan yana bir texnogigant, bu ikki kompaniyaning asosiy raqibi bo‘lgan Huawei esa fursatdan foydalanib qoldi. U o‘z smartfonlarini hech qachon sekinlashtirmasligini e’lon qilib, bu bilan ikkala raqibi ustidan kuldi.
Kompaniya shu mazmundagi postini rasmiy Twitter-akkaunti orqali e’lon qilgan:
We would never slow our phones down to force an upgrade. We're proud our new #HuaweiMate20Pro is #BornFastStaysFast - just like every other phone in our range. #NeverSlowDown Learn more now > https://t.co/Fn1ADt5VBW pic.twitter.com/AJihfosqAM
— Huawei Mobile UK (@HuaweiMobileUK) 25 oktyabrya 2018 g.
Shuningdek, xitoylik ishlab chiqaruvchi o‘zining yangi Mate 20 Pro flagmani bilan faxrlanishini ham qistirib o‘tgan. Huawei ushbu trolling-postida «Born fast, stays fast», ya’ni – «Tezkor bo‘lib tug‘ilgan, tezkorligicha qoladi» sloganini qo‘llagan.