Ikki Ultra to'qnashuvi!
Janubiy Koreyaning Samsung kompaniyasi shu yilning fevral oyida o'zining Galaxy S22 seriyasidagi smartfonlarini taqdim qilganida, ularning orasida eng kuchlisi bo'lgan Ultra modelini ham chiqargan edi. Oradan uch oylarcha vaqt o'tgach, ZTE kompaniyasi ham o'zining yangi Axon 40 smartfonlari qatorini taqdim qildi va ularning biriga Ultra nomini berdi. Bu 2022-yilda ana shunday nom qo'shib chiqarilgan ikkinchi flagman bo'ldi va bu ikki yuqori darajadagi qurilmalar tashqi tomondan ham, ichki tomondan ham bir-biriga munosib raqib bo'ldi.
Insayder Ice Universe o'zining Twitter sahifasida ikki Ultra taqqoslangan jonli suratlarni ulashdi. Ko'rinib turibdiki, ikkila smartfon tanasi deyarli bir xil o'lchamda, shu bilan birga ularning ramkalarini juda ingichka bo'lib, garchi ularning farqi yo'qdek ko'rinsada, yaqinlashtirib qaralganda Axon 40 Ultra raqibiga qaraganda ingichkaroq qora chegaraga ega. Ikkov Ultra'ning ham yon tomonlari biroz qayrilgan va chap tomonida ovoz boshqaruvi, yoqish tugmalari joylashgan.
Axon 40 Ultra va S22 Ultra tashqi ko'rinishidan egizaklarga o'xshasada kapot ostida ular ko'p narsada farq qiladi:
ZTE Axon 40 Ultra | Samsung Galaxy S22 Ultra | |
Tarmoq texnologiyasi | 5G | 5G |
Qurilma o'lchami | 163.2 x 73.5 x 8.4 mm | 163.3 x 77.9 x 8.9 mm |
Og'irligi | 204 g | 228 g / 229 g |
Ekran turi | AMOLED, 120Hz, HDR10+, 1500 nits | Dynamic AMOLED 2X, 120Hz, HDR10+, 1750 nits |
Ekran o'lchami | 6.8 dyuym, 111.6 cm2 (ekranning tanaga nisbati ~93.1%) | 6.8 dyuym, 114.7 cm2 (ekranning tanaga nisbati ~90.2%) |
Ekran rezolyutsiyasi | 1116 x 2480 piksel, har bir dyuym uchun piksel zichligi ~400 | 1440 x 3088 piksel, har bir dyuym uchun piksel zichligi ~500 |
Old kamera | 16 MP, f/2.0 (ekran ostida), HDR 4K@30fps, 1080p@30fps |
40 MP, f/2.2, avto HDR 4K@30/60fps, 1080p@30fps |
Orqa kamera | 64 MP, f/1.6, PDAF, Laser AF, OIS 64 MP (periskop telefotosi), f/3.5, PDAF, OIS 64 MP (ultra keng), f/2.4, PDAF ikkilik LED ikki xillik flash, HDR, panorama 8K@30fps, 4K@30/60fps, 1080p@30fps |
108 MP, f/1.8, PDAF, Laser AF, OIS 10 MP (periskop telefotosi), f/4.9, PDAF, OIS 12 MP (ultra keng), f/2.2, PDAF, Super Steady video 10 MP (telefoto), f/2.4, PDAF, OIS LED flash, avto HDR, panorama 8K@24fps, 4K@30/60fps, 1080p@30/60/240fps, 720p@960fps |
Operatsion tizim | Android 12 ga asoslangan MyOS 12 | Android 12 ga asoslangan One UI 4.1 |
Chipset | Qualcomm Snapdragon 8 Gen 1 (4 nm) | Qualcomm Snapdragon 8 Gen 1 (4 nm) |
Operativ xotira | 8/12/16 GB | 8/12 GB |
Doimiy xotira | 256/512 GB / 1 TB (SD karta uchun joy mavjud emas) | 128/256/512 GB / 1 TB (SD karta uchunjoy mavjud emas) |
Batareya | 5000 mAh | 5000 mAh |
Quvvatlanishi | 80W | 45W |
Quloqchin uchun 3.5 mm uya | mavjud emas | mavjud emas |
Karnay | bor va stereo | bor va stereo |
USB turi | USB-C 3.1 | USB-C 3.2 |
SIM karta | ikkilik nano SIM karta | birlik yoki ikkilik nano SIM karta + eSIM qo'llab-quvvatlanishi |
Wi-Fi | Wi-Fi 802.11 a/b/g/n/ac/6e | Wi-Fi 802.11 a/b/g/n/ac/6e |
Bluetooth | 5.2 | 5.2 |
NFC | bor | bor |
Sensorlar | Barmoq izini aniqlash (ekran ostida, optik), akselerometr, giroskop, yaqindagi narsalarni aniqlash, kompas | Barmoq izini aniqlash (ekran ostida, ultratovush), akselerometr, giroskop, yaqindagi narsalarni aniqlash, kompas, barometer |
Taqdim qilingandagi narxi | (8/256) $743 | (8/128) $1200 |
Ikkala Ultra ham o'zining ustunlik tomonlariga ega. Masalan, Galaxy S22 Ultra o'zining S Pen ruchkasi bilan ishlay olsa, Axon 40 Ultra ekran osti kamerasiga ega. Xulosa o'rnida shuni aytish mumkinki, bularning qaysi birini olsangiz ham, qo'lingizda yuqori sifatli, chiroyli dizaynga ega Ultra smartfon bo'ladi.