ILK BOR: Galaxy S10 Lite hamda Galaxy S10+ benchmarkda «ko‘rindi»!
Smartfonlar samaradorligini tekshirish servislari – benchmarklar ko‘p, ammo ko‘pchiligimiz ulardan eng mashhurlarinigina bilamiz. Shulardan «kamtarroq» bittasi bugun muhim ma’lumot taqdim etdi.
O‘QING: AnTuTu reytingi: 2018 yil dekabrgacha eng zo‘r Android-smartfonlar!
Gapning qisqasi, HTML5test benchmarkida Samsung’ning flagman turkumidagi ikkita yangi smartfoni tekshirib ko‘rilgan. Ya’ni, Galaxy S10 Lite hamda Galaxy S10+ modellarining test natijalari ushbu servis ma’lumotlar bazasida «qo‘lga tushgan».
Galaxy S10 Lite modeli ushbu benchmarkda SM-G970F raqami ostida qayd etilgan bo‘lib, uning ekrani 360x760 piksellik, deb ko‘rsatilgan:
HTML5test benchmarki smartfonlarning asosiy texnik xususiyatlarini to‘g‘ri ko‘rsatsa-da, negadir ekranlarning tasvir aniqligini shunaqa noto‘g‘ri aks ettiradi. Masalan, o‘z vaqtida u Galaxy Note 9 displeyini 412x846 piksellik, degan; aslida esa u 2960x1440 piksellikdir.
O‘QING: Ishlayotgan holdagi Galaxy S10’ni ilk bor «jonli» tomosha qilamiz!
Samsung flagmanlarining «katta»si esa HTML5test servisida SM-G975F raqami bilan ro‘yxatdan o‘tgan. Mazkur servisda Galaxy S10 Plus modelining displeyi 412x869 piksellik ekanligi qayd etilgan:
Galaxy S10 turkumi smartfonlarining taqdimot va sotuv vaqtlari, hatto aniq narxigacha e’lon qilganmiz. Allaqachon bozorga chiqarilgan ba’zi Samsung smartfonlarini esa Terashop.uz internet-do‘konimizdan 861 000 so‘mdan boshlanuvchi narxlarda onlayn usulda sotib olish mumkin.