Ilon Mask o‘ziga dushmanlik qildi – bitta tvit bilan Tesla aksiyalari narxini tushirib yubordi!
Kuni kecha – 1 may kuni Ilon Mask negadir Twitter tarmog‘ida g‘alati post e’lon qildi. Shundan so‘ng Tesla kompaniya aksiyalarining narxlari keskin tushib ketdi.
O‘QING: «O‘q o‘tmas» Cybertruck’ning taqdimotida Tesla aytmagan jihati fosh bo‘ldi!
Kompaniya asoschisining tvitiga ko‘ra, Tesla aksiyalarining narxlari o‘ta yuqori emish:
Tesla stock price is too high imo
— Elon Musk (@elonmusk) May 1, 2020
Mana shu tvitdan keyinoq Tesla qimmatbaho qog‘ozlari narxi 11 foizga pasayib ketdi – bir donasi 695 dollargacha tushdi. The Wall Street Journal nashri xodimlarining «Bu tvit hazil edimi?» degan savoliga Mask: «Yo‘q», deb javob bergan.
Aytish kerakki, 29 aprel kuni Tesla ketma-ket uchinchi chorakdan moliyaviy muvaffaqiyat bilan chiqqanini e’lon qilgan edi. Ilon Maskning bu ishidan keyin kompaniyaning o‘sishiga putur yetishi mumkin.